Logo dunha intensa fin de semana de mobilizacións e protestas, os traballadores e as traballadoras de instalacións deportivas iniciaban este luns o oitavo día da folga indefinida convocada no sector na procura dun convenio digno. A patronal mantense no seu inmobilismo, a pesar do chamamento que mesmo están a realizar dende os concellos, negándose a asumir unhas reivindicacións lexítimas, mentres contrata novo persoal para suplantar aos traballadores/as en folga, vulnerando os dereitos da clase obreira.

O día 27 de xaneiro, o Xulgado nº 3 de Pontevedra, ditaba sentenza sobre o despedimento do Bombeiro Pablo Álvarez. A sentenza declara o despido deste traballador como improcedente. O auto ben a confirmar, de xeito claro e contundente, a opinión da CIG sobre este atropelo laboral; un mais aos que, lamentabelmente, xa nos empeza a ter acostumados CELTAPRIX e que semella contar coa pasividade da Administración responsábel deste servizo. Pasividade que se transforma en complicidade pola vía dos feitos.

Os traballadores e traballadoras de instalacións deportivas acordaron esta tarde en asemblea continuar coa folga indefinida. Logo dos rumores que falaban da ruptura da unidade sindical e das informacións aparecidas nalgún medio de comunicación a respecto dunha suposta intención das organizacións de desmobilizar aos traballadores/as, as asembleas celebradas na tarde deste venres nas provincias de Lugo, A Coruña e Pontevedra acordaron continuar para adiante coa folga até acadar un convenio digno.

O 5 de febreiro tivo lugar unha rolda de prensa de CIG, CCOO e UGT no Alcampo de Coia na que se abordaron os despidos do persoal da limpeza neste centro de traballo pola non subrogación das traballadoras e traballadoras, asi como se deu a coñecer a contestación da Inspección, e a reunión solicitada coa Conselleira de Traballo a través da Inspección de Traballo. Tamén se anunciou a estratexia marcada para a próxima semana coa convocatoria de novas mobilizacións.

Os traballadores e traballadoras das instalacións deportivas, que van xa polo cuarto día de folga, están convocados na tarde do venres a participar nas asembleas que se van celebrar nas provincias de A Coruña, Lugo e Pontevedra para valorar esta primeira semana da folga indefinida e analizar as medidas a tomar diante do silenzo que mantén a patronal. Alén diso, na mañá do xoves, o persoal levou a cabo unha manifestación polas rúas de Ferrol para esixir que se retomen as negociacións e se atendan as demandas do persoal.

A partir do próximo luns día 8 de febreiro comezará unha folga indefinida en Limpezas Ames, empresa concesionaria do servizo de limpeza de entre outros, o Colexio de Ventín, a Casa de Cultura do Milladoiro e de diversas oficinas do concello. Reclaman que a empresa lles pague as mensualidades que adebeda (os dous últimos meses) e mesmo que se lles proporcione material como lixivia, deterxentes... para poder realizar o traballo en condicións.