A CIG vén de acordar convocar concentracións en todas as cidades o vindeiro xoves, día 11 de abril, para manifestar a oposición da central sindical ás reformas aprobadas polo goberno no último mes. Reformas como o decreto para a contratación da mocidade; a autorización ás mutuas para dar altas de enfermidade; a das pensións anticipadas, voluntarias ou forzosas e o recorte do dereito ao subsidio para maiores de 55 anos, que considera que provocarán máis pobreza e discriminación entre a clase traballadora.

O Gabinete Técnico de Economía vén de presentar a análise da evolución do mercado laboral en Galiza no ano 2012. Os datos son demoledores: unhas 116 persoas perderon diariamente o posto de traballo; a poboación activa entre os 16 e os 34 anos descendeu en 16.000 persoas; desde que se iniciou a crise, o 66% de todos os postos de traballo destruídos é do sector industrial e da construción, aínda que no último ano, o sector servizos viuse afectado con especial virulencia; 44.500 asalariados perderon o posto de traballo; descendeu fortemente o número de ocupados/as con xornada a tempo completo, e medran os de xornada a tempo parcial. Malia este panorama, a partida que máis descende –nun 40%- nos orzamentos de 2013 é a de promoción de emprego.

En Galiza ha xa un total de 267.812 persoas desempregadas. A cifra ascende a 285.196, se se inclúen o total de demandantes de emprego non ocupados (DENOS) que, aínda sendo parados/as, están realizando, por exemplo, un curso de formación e, polo tanto, non se computan. A CIG considera que estes datos son alarmantes, máis tendo en conta que un 42,1% das persoas desempregadas non están cobrando ningunha prestación. O panorama é, para a central sindical, desolador e o perigo de exclusión social e pobreza de miles de galegas e galegos é cada vez maior.

A sección sindical da CIG en Telefónica aproveitou a presenza en Galiza do presidente da compañía, Luís Miguel Gilpérez, para lembrar que as últimas “medidas de reorganización” adoptadas pola empresa repercutirán moi negativamente no noso país. Os empregados/as farán coincidir novas mobilizacións en defensa do emprego coa visita do máximo responsábel de Telefónica ás instalacións da firma de telecomunicacións no noso país. De feito, este venres celebrarán unha concentración fronte á sede central de Vigo, no Calvario, a partir das 14.00 horas.

A federación de Servizos da CIG demanda do Concello de Vigo que garanta o mantemento de todos os postos de traballo nos distintos centros museísticos da cidade. Dende a central nacionalista advirten que a redución á metade do orzamento destinado á xestión destas infraestruturas tradúcese no despedimento de sete vixiantes de seguridade e 10 auxiliares.

O paro en Galiza baixou, no mes de maio, un 0,37% respecto do mes anterior. Isto tradúcese en 1.036 persoas desempregadas menos. Porén, incrementouse respecto o mes de maio do ano pasado en 36.594 persoas. Así as cousas, maio rematou con 276.608 persoas en paro. Diante desta situación, a CIG segue a exixir dos poderes públicos políticas activas que permitan apostar claramente pola creación de emprego

A realidade do mercado laboral galego é demoledora. Así se reflicte no informe elaborado polo gabinete de Economía da CIG que foi presentado este luns polo secretario confederal de Emprego, Antonio López Rivera e a economista Natividade López Gromaz. Un estudo que fai un percorrido pola situación sociolaboral e no que se evidencia que, no último lustro, se destruíron en Galiza, nin máis nin menos que 110.400 postos de traballo.