A CIG-Metal rexeita frontalmente a plataforma presentada pola patronal do Metal da provincia da Coruña para a negociación do novo convenio colectivo, pois entende que “profundiza no camiño da reforma laboral, na súa versión máis favorábel para as empresas e sen ningunha garantía para os traballadores/as”. Dende a CIG quérese trasladar a preocupación polo avance na desregulación do mercado de traballo, advertindo á patronal que “naquelas mesas de negociación onde esteamos, teranos enfronte”.

A CIG-Servizos vén de expresar o seu rexeitamento ao convenio do sector de limpeza de edificios e locais da Coruña asinado por CCOO e UGT, que supón aceitar un acordo que contempla condicións salariais mesmo inferiores á peor das propostas presentadas con anterioridade pola patronal e que estas mesmas centrais sindicais se negaron a asinar, no seu momento, chegando a convocar mobilizacións para demandar melloras.

Traballadores e traballadoras chegados/as de distintos puntos da provincia da Coruña realizaron unha nova concentración no Centro Comercial Catro Camiños e no Corte Inglés da cidade herculina para esixir da gran patronal do sector (ASPEL) que asine o texto do novo convenio colectivo provincial. Esta negativa ocasionará que a partir de xuño o convenio provincial desapareza e o persoal pase a estar rexido polo convenio estatal que ASPEL vén de asinar en Madrid.

Traballadores e traballadoras da limpeza da provincia da Coruña concentráronse este venres en diferentes puntos da cidade herculina para esixir das grandes empresas do sector que asinen dunha vez o convenio colectivo, xa que se negan a asumir o principio de acordo que existe entre as pequenas empresas locais e as organizacións sindicais.

A Confederación Intersindical Galega (CIG) asinará xunto á UGT o convenio provincial de panaderías de Ourense despois do acordo acadado coa asociación de empresario do sector no que respecta á revisión salarial e ao cobro de atrasos. O documento, que terá unha vixencia de dous anos, fixa tamén un incremento superior para os pluses de horario e nocturnidade.

A Sala do Social do Tribunal Superior de Xustiza de Galiza condenou Zara España S.A. por vulnerar o dereito á liberdade sindical da CIG-Servizos. Esta firma do grupo Inditex deberá indemnizar a central con 1.264,78 euros polo prexuízo moral ocasionado. Zara negáralles permisos retribuídos a dúas traballadoras que designara o sindicato para acudir a xuntanzas da negociación do convenio provincial do comercio téxtil ourensán.

A finais do mes de xaneiro estas 12 traballadoras e traballadores da limpeza recebian un aviso verbal de que ían ser despedidas, xa que a empresa Tecliman para a que traballaban deixaba de ser a empresa adxudicataria do servizo de limpeza do Alcampo, e a nova empresa, Amil Lago Servizos Xerais, só conta con persoal con discapacidades, polo que non procedía á subrogación do persoal como está fixado no Convenio Provincial. As traballadoras e traballadores decidiron mobilizarse e comezar unha loita a todos os niveis na defensa dos seus postos de traballo