Un grupo de traballadores/as da empresa T-Solar de Ourense mobilizouse onte en Vigo convocados pola CIG e a CUT para rexeitar o ERE extintivo que afectará os 170 empregados/as da firma enerxética. Ás 11.00 horas concentráronse diante do Xulgado do Mercantil 3, onde a central nacionalista fixo entrega dun escrito no que se reclama a non extinción dos contratos xa que a firma recibiu axudas públicas condicionadas ao mantemento do emprego, e posteriormente ocuparon as oficinas do grupo Isolux, propietario da empresa.

O presidente e un delegado do comité de Biofabri -os dous da CIG, que ten tres representantes- abandonaron onte á noite o peche iniciado pola tarde no interior das instalacións da empresa no Porriño despois de que a última das xuntanzas coa dirección rematase sen acordo. Un grupo de traballadores/as, ao igual que o terceiro delegado da central nacionalista, permanecen acampados no exterior da fábrica dende o domingo á noite para rexeitar os despedimentos previstos pola dirección.

Ante a dimisión do Conselleiro delegado de Navantia, Jaime de Rábago, a Sección Sindical da CIG en Navantia denuncia a falta de responsabilidade e despreocupación do Goberno do estado, a través da SEPI, na dirección da empresa pública. Unha empresa que, lembran, está a atravesar uns dos momentos máis complicados da súa historia, sen carga de traballo e sen convenio; situación esta última que se arrastra dende hai xa tres anos, “como vimos denunciando os traballadores/as”.

Os sindicatos CIG, CCOO, UGT, ELA e CAT decidiron convocar unha xornada de folga nos estaleiros privados do Estado español o vindeiro xoves 20 de xuño ante a dramática situación que atravesa o sector. Dende a central nacionalista galega reiteran a necesidade dun paro xeral na comarca de Vigo “xa que o impacto socioeconómico da desaparición do sector sería moito maior que noutras zonas”.

A CIG-Metal vén de remitir escritos ás Consellerías de Economía, Traballo e Facenda reclamándolles que insten o Xulgado do Mercantil número 3 de Vigo a rexeitar a aprobación do ERE extintivo para 170 traballadores/as “en base a que as subvencións e axudas concedidas pola Administración autonómica estaban condicionadas ao mantemento do emprego até xuño de 2014”. A central nacionalista solicita tamén a certificación das axudas, avais e subvencións concedidas pola Xunta á empresa dende o seu inicio até a actualidade.

Traballadores/as do naval da Ría de Vigo potagonizaon hoxe novas mobilizacións na cidade para denunciar a pasividade dos Gobernos español e galego ante a grave crise que atravesa o sector e para reclamar carga de traballo para unha industria fundamental para a economía da comarca. A CIG segue a apostar pola convocatoria dunha folga comarcal e anima á veciñanza a participar na maniesfestación do vindeiro mércores día 12 en defensa do emprego.

Miles de traballadores e traballadoras de Navantia e as industrias auxiliares desenvolvían na mañá deste mércores unha inesperada mobilización diante dos xulgados de Ferrol e as portas do Concello. A protesta solidaria veu motivada tras coñecerse que a policía detivera a un compañeiro no seu domicilio, por mor dos sucesos acontecidos o pasado xoves, logo de que o Goberno local acordase pechar as portas do Concello antes do inicio do pleno municipal.