No decurso da mañá deste 25 de novembro, Día Internacional contra a violencia contra as mulleres, celebráronse concentracións simbólicas nas distintas comarcas de Galiza, para denunciar as consecuencias que as políticas de recorte dos gobernos do PSOE e do PP están a ter para as mulleres. Medidas que, co pretexto da crise, eliminan prestacións, servizos e dereitos, agravando aínda máis as desigualdades entre homes e mulleres.

A secretaria confederal da Muller da CIG, Margarida Corral presentou, en rolda de prensa, a campaña que a central sindical desenvolverá con motivo da conmemoración do 25 de novembro, “Día Internacional contra a violencia contra as mulleres”. Unha campaña na que se denuncia que “A crise xera máis violencia contra as mulleres”, porque “as reducións salariais, os despedimentos e os recortes de prestacións sociais e laborais”, afectan especialmente ás mulleres e tamén son unha forma de violencia. A CIG ten convocadas concentracións simbólicas en todas as comarcas de Galiza, entre as 11:00 e as 12:00 horas.

Con motivo da conmemoración do 25 de novembro, Día Internacional contra a violencia de xénero, a CIG desenvolveu diversos actos de protesta nas cidades de A Coruña, Lugo, Ourense e Ferrol, en resposta ás múltiples formas de violencia que continúan a padecer as mulleres e contra o desmantelamento, por parte da Xunta, das políticas de igualdade. Este ano, a central sindical está a desenvolver unha campaña baixo o lema “Dez pasos para facermos fronte á violencia sexista”; un decálogo no que a CIG reitera o compromiso na loita contra a violencia de xénero, a través da formulación dunha denuncia pública das distintas discriminacións que seguen a sufrir as mulleres en todos os ámbitos.

A CIG-Ensino fai un chamamento a toda a comunidade escolar para que o Día Internacional contra a violencia de xénero non pase desapercibido e se programen actividades que insten a reflexionar sobre unha das lacras máis execrables da sociedade actual.

O sector de Xustiza da CIG-Administración Pública vén de presentar un informe no que se recollen os problemas relacionados co funcionamento dos xulgados de violencia de xénero. Consideran que os dous existentes neste intre, Vigo e Coruña, son insuficientes e demandan a creación de unidades específicas con carácter comarcal en cada unha das sete cidades de Galiza. Entenden que os 4.000 casos que entraron nos xulgados de Galiza nos seis primeiros meses deste ano, dos que arredor de 1.200 foron aos especializados de Vigo e Coruña, así o xustifican.

A secretaría da muller da CIG vén de presentar a campaña que está a desenvolver con motivo da conmemoración do 25 de novembro, Día Internacional para a eliminación da violencia contra as mulleres. Campaña que, nesta ocasión, leva o lema “Dez pasos para facermos fronte á violencia sexista”. Margarida Corral, secretaria confederal de Muller e Mocidade denunciou ademais que “gobernos de distinta índole toman como escusa a crise económica para desmantelar sen ningún pudor as políticas de igualdade que tantos séculos custou acadar”.

O día 25 de novembro, con motivo do Día Internacional contra a Violencia de Xénero, CIG, CCOO, UGT e STEG levaron a cabo unha concentración diante da Consellaría de Educación, en San Caetano, co obxectivo de denunciar a actitude da administración educativa que acordou subvencionar aos centros do Opus Dei que segregan ao alumnado por razóns de sexo, a pesares de que o anterior goberno tivera informado negativamente ditos concertos debido a que incumprían a lexislación educativa vixente.