Os primeiro resultados das análises realizadas ás mostras recollidas nas obras da central de Caixanova en Vigo confirmaron a presenza de amianto no edificio. Dende a sección sindical da CIG exixiron que se investigue o impacto da exposición do po de amianto e como pode afectar na saúde dos 500 empregados/as que traballan na central.

Nos meses de abril e maio impartiranse dous cursos do Gabinete de Saúde Laboral en Valdeorras, un específico para a prevención para traballadores e traballadoras da lousa e outro xenérico de prevención de riscos laborais.

O Gabinete Técnico de Saúde Laboral da CIG vén de presentar denuncia diante da Inspección de Traballo contra a Xefatura Territorial en Ourense da Consellaría do Medio Rural por non ter realizada a avaliación de riscos dos postos de traballo adscritos a cinco distritos forestais e ambientais, no referido ás funcións e cometidos profesionais que realizan fóra das oficinas, e nos que se ocupa a uns 160 traballadores/as.

O vindeiro venres 26 de xuño o Gabinete Técnico de Saúde Laboral da CIG celebrará a Xornada Técnica “A avaliación de Riscos: unha necesidade inescusábel”, na que se poñerá de manifesto a importancia da avaliación de riscos laborais como o instrumento básico para lograr unha xestión eficaz da seguridade e a saúde no traballo. A xornada trasladarase até a rúa para aproximar a transcendencia desta cuestión a toda a poboación, desenvolvéndose nunha carpa instalada para tal fin no Cantón de Molíns de Ferrol.

O mércores 27 de maio, no Centro Especial de Emprego Aixiña, organizado polo Gabinete Técnico de Saúde Laboral, celebrarase unha Xornada para delegados e delegadas da CIG baixo o título “Organismos Públicos relacionados coa Prevención de Riscos”. A xornada comezará ás 09:00 horas e contará coa participación de representantes de grande nivel de organismos e institucións relacionados coa materia.

Dende que, vai xa para 14 anos, o sindicalismo internacional adoptou o 28 de abril como xornada de lembranza para as víctimas do traballo, non moitas cousas teñen mellorado a este respecto, de feito, cada 15 segundos morre no mundo un traballador/a como consecuencia dun accidente de traballo ou dunha enfermidade relacionada co traballo, preto de 5.500 o farán cando remate o día. Datos escandalosos que, no caso da Galiza, maniféstanse en 72 persoas mortas por causa de accidentes laborais e máis de 1.200 traballadores e traballadoras afectados por unha enfermidade profesional.

O Gabinete Técnico de Saúde Laboral da CIG presentou o martes 17 de xaneiro a súa nova páxina web (www.cigsaudelaboral.org), concibida como unha nova ferramenta destinada a fortalecer os coñecementos da clase traballadora en materia de seguridade e saúde laboral e como elemento que dea respostas as exixencias en materia de saúde laboral presentadas polas comarcas e as Federacións da CIG”.