Os traballadores/as da empresa Maier Ferroplast SL volveron ás mobilizacións diante da sede da compañía, no polígono porriñés da Granxa, para reclamar a readmisión dun compañeiro despedido. Dende a CIG explican que o afectado, técnico de mantemento na firma auxiliar da automoción que fabrica plásticos de interior para automóbil e que emprega a unhas 220 persoas, foi despedido despois de máis de 13 anos na empresa acusado de baixo rendemento. Ao parecer, a dirección tería comparado o tempo que tarda en desenvolver o seu labor co do resto dos seus compañeiros/as.

As cerca de 20 ex traballadoras do servizo de acompañamento escolar de Monbús afiliadas á CIG realizaron hoxe unha concentración diante do SMAC coincidindo cos actos de conciliación das demandas presentadas polas 30 empregadas despedidas en decembro pola empresa, que continuarán polo Xulgado do Social despois de que non se chegase a un acordo. Dende a central nacionalista denuncian que a compañía pontevedresa rescindiulles os contratos para substituílas por outras persoas en peores condicións laborais.

O persoal da empresa Establecementos Pérez Leirós do Porriño convocou recentemente unha nova xornada de folga para protestar contra o crecente deterioro da compañía, que adebeda varias pagas extraordinarias, ademais do salario de setembro a varias persoas, e de outubro en diante a todo o persoal.

Os representantes da CIG, CCOO e UGT na mesa negociadora do convenio do sector de Mármores e Pedras de Pontevedra que se pecharon o luns pasado no cluster do granito no Porriño para esixir o desbloqueo das conversas decidiron hoxe a poñer fin á protesta despois de que a Xunta de Galiza se decidise a intervir. Horas despois de que os sindicalistas presentasen un escrito na delegación de Traballo en Vigo solicitando a súa colaboración para solucionar o conflito, a xefa territorial de Relacións Laborais comunicoulles por fax que o vindeiro martes están convocados a unha xuntanza coa patronal.

Os representantes da CIG, CCOO e UGT na mesa negociadora do convenio colectivo do sector de Mármores e Pedras de Pontevedra que permanecen dende o luns pechados no cluster do granito no Porriño para esixir o desbloqueo das conversas reclamaron hoxe a intervención da Xunta de Galiza no conflito. Ao mesmo tempo, denunciaron a actitude do Goberno galego, que horas despois do inicio do encerro enviou á Policía autonómica para o seu desaloxo, que non se produciu polas xestións da propia patronal.

A federación de Químicas e Enerxía da CIG logrou rematar con 20 anos de hexemonía da UGT na compañía porriñesa CZ Veterinaria ao acadar sete dos nove delegados/as do comité de empresa nas eleccións sindicais celebradas recentemente. A central nacionalista obtivo un total de 77 votos fronte aos 26 que sumou a candidatura presentada polo sindicato español, que até o de agora ostentaba os nove representantes.

A CIG realizou esta mañá unha concentración de protesta diante da gasolineira de Cepsa en Moreiras, no concello de Ponteareas, para denunciar o acoso laboral ao que está sendo sometida unha traballadora por parte do propietario de Suarsesa, compañía que xestiona a estación de servizo. Daniel López Pereira, que posúe outra área de repostaxe en Ribadavia, négalle dereitos básicos como a redución de xornada para o coidade de fillos e trata de denigrala impóndolle labores que non se corresponden co cometido dun expendedor/a de combustíbel.