Un cento de delegados/as da limpeza da CIG-Servizos e do sindicato vasco ELA realizaron onte unha concentración de protesta en Madrid coincidindo coa reunión da comisión negociadora do convenio estatal. Dende a central nacionalista denuncian que a patronal pretende limitar as negociacións de ámbito inferior, como os convenios de empresa e os acordos de equiparación.

Varios centos de delegados e delegadas da CIG concentráronse este mediodía diante dos Consulados de Portugal en Vigo e Ourense en solidariedade coa folga xeral convocada no país veciño para este xoves 24 de novembro. Co acto desta mañá preténdese trasladar o apoio da clase traballadora galega ao paro promovido polas dúas principais centrais do país veciño, a CGTP/IN e a UGT, para denunciar as medidas de austeridade que se imporán á maioría social e que terán como consecuencia a recesión económica, o aumento da explotación e o empobrecemento xeneralizado da poboación.

CIG, ELA e CGTP-IN mantiveron a semana pasada un encontro para avaliar as consecuencias que está a ter, nos respectivos países, a crise económica, o negativo impacto das medidas que veñen adoptando os distintos gobernos para enfrontala, valorar a contestación social e as alternativas defendidas por cada central sindical. A xuntanza, celebrada a instancias da CIG, concluíu co compromiso de manter unha comunicación fluída entre as tres organizacións, abrir vías de colaboración máis intensas e intentar confluír con mobilizacións similares.

Arredor de 6.000 persoas -entre as que participaron uns 1.500 delegados e delegadas da CIG- manifestáronse polas rúas de Madrid na mobilización convocada polas organizacións sindicais nacionalistas vascas ELA, LAB, STEE-EILAS, EHNE, HIRU, a catalá CSC, a canaria IC e a CIG, baixo o lema “Polo dereito a decidir as nosas condicións laborais e sociais”. No interior, VIDEO da intervención íntegra de Suso Seixo, secretario xeral da CIG.

A Confederación Intersindical Galega e a maioría sindical vasca (ELA, LAB, STEE-EILAS, EHNE e HIRU) van desenvolver unha manifestación o vindeiro 5 de abril en Madrid en contra das reformas do goberno (concretamente a reforma das pensións e da negociación colectiva) e na defensa do dereito a decidir nos propios territorios as condicións laborais e sociais. Na marcha agárdase que participen arredor de 3.500 delegados e delegadas de todas as organizacións sindicais, dos/as que uns 1.200 serán representantes sindicais da CIG.

A Fundación para o Estudo e Divulgación da Cuestión Social e Sindical en Galiza fixo público o video da entrevista realizada o 19 de novembro a Adolfo Muñoz, secretario xeral do sindicato basco ELA, quen alertou do déficit democrático que ao seu xuízo está a provocar o pacto existente entre os partidos políticos con opción de gobernar e o gran capital e criticou o silenciamento das loitas sociais que se están a dar.

Organizacións sindicais de Euskal Herria, Chipre, Portugal, Italia e Bélxica participaron en Compostela nun encontro organizado pola CIG baixo o título “Europa: Crise económica e repostas sindicais”. Unha xornada na que se analizaron as características e impacto da crise nos respectivos países e as medidas adoptadas polos distintos gobernos para combatela. Os representantes das organizacións convidadas explicaron ademais a resposta que os sindicatos están a dar en cada país e avaliaron as medidas e a reacción das organizacións sindicais europeas CES (CSI) e EUROF (FSM) ás políticas que se están a adoptar.