A Consellaría de Educación vén de enviar aos centros que teñen comedor escolar xestionados directamente por ela unha instrución da Secretaría Xeral Técnica -con data 14 de xuño- sobre o funcionamento dos comedores escolares que está  baseada nunha normativa que aínda está sen publicar pola propia Consellaría.

As traballadoras e traballadores de Moure Pan S.L secundaron ao 100% a segunda xornada de folga sen que desde a empresa se intentara manter contacto algún para falar, cando menos, das expectativas que hai de que poidan cobrar os xa catro meses que acumulan en nóminas impagadas. Esta mañá concentráronse diante da nave do polígono do Tambre e mañá sábado concentraranse, ás 11:30 horas, diante do despacho de Basquiños.

A Plataforma Galega en Defensa do  Ensino Público desenvolveu en Santiago, A Coruña, Lugo, Pontevedra, Vigo, Vilagarcía, Carballo, Cee e Vila de Cruces novos actos públicos en contra da aprobación da LOMCE. En Ferrol estas mobilización slúdicas, con música e textos no que se amosa o rexeitamento da comunidade educativa  da sociedade no se conxunto á LOMCE, serán o 18.

A CIG-Ensino denuncia que a consellaría de Educación vén de designar a dedo  presidente dun Tribunal de Oposición ao Corpo de mestres o portavoz do PP do Concello da Pontenova, Jorge García García. A CIG-Ensino advirte que no nomeamento de presidentes e presidentas de tribunais que van xulgar o proceso selectivo de acceso ao corpo de mestres e mestras aparece, como presidente do Tribunal nº 2 de Inglés de Lugo, o actual portavoz do PP no Concello da Pontenova.

A Plataforma Galega en Defensa do Ensino Público organiza novas accións de protesta contra a Lomce en distintas localidades do país este xoves 13 de xuño. Nesta ocasión trátase de actos comarcais nos que haberá actuacións musicais, lectura de textos e outras accións e que se desenvolverán en Vigo, A Coruña, Lugo, Ourense, Pontevedra, Santiago e Vilagarcía.

A Consellaría de Educación vén de modificar a normativa que regula a elección de libros de textos no ensino e o protocolo para poder aprobar cambios. As modificacións afectan tamén as etapas de Infantil e 1º ciclo de Primaria. Etapas nas que até o de agora se permitía unha maior flexibilidade. A CIG-Ensino defende que o sistema vixente para estas etapas non creaba ningún problema e resultaba máis áxil que o que se vén de aprobar.

Membros da Plataforma Galega en Defensa do Ensino Público protagonizaron este mércores, 5 de xuño, diante da  Consellaría de Educación en San Caetano, unha nova mobilización en contra da LOMCE que neste caso consistiu na representación dun xuízo que rematou coa apertura dun expediente disciplinario ao Ministro Wert habida conta do seu “maltrato ao ensino público” e coa súa expulsión do Sistema Educativo.