A Confederación Intersindical Galega cualifica de “neglixente” a actuación da Inspección de Traballo despois de que as análises encargadas pola central constatasen a presenza de amianto nas obras da sede central de Caixanova en Vigo. A central nacionalista advirte que este material supón un risco para os operarios/as que desenvolven o seu labor no edificio e lembra que un inspector deste organismo chegou a paralizar os traballos despois da visita do xefe de Hixiene Industrial do Instituto Galego de Saúde Laboral (ISSGA).

Os primeiro resultados das análises realizadas ás mostras recollidas nas obras da central de Caixanova en Vigo confirmaron a presenza de amianto no edificio. Dende a sección sindical da CIG exixiron que se investigue o impacto da exposición do po de amianto e como pode afectar na saúde dos 500 empregados/as que traballan na central.

Dende o inicio da obra de reforma da central de Caixanova en Vigo, os delegados de prevención da CIG mantiveron numerosos contactos coa empresa, preocupados pola posible presenza de amianto na estrutura do edificio da central. Noutras construcións da mesma época na cidade de Vigo apareceu amianto cando afrontaron reformas ou demolicións.

O Gabinete Técnico de Saúde Laboral da CIG presentou o pasado venres, día 18 de decembro en Ferrol, unha xornada técnica na que se fixo a presentación pública de dúas novas publicacións elaboradas polo Gabinete. Ademais, este luns presentouse en Vigo a publicación, “Identificación de Riscos Laborais e Guía de Boas Prácticas para o Sector da transformación de Pedra Natural”. 

A Unión Local da CIG de Valdeorras desenvolverá o vindeiro mércores 20 de maio unhas xornadas sobre os perigos do amianto para a saúde. Trátase dun material que está presente na vida diaria mais que «únicamente representa un risco real para os que traballan con el», explicou Gumersindo Rego, xefe do servizo de neumoloxía ocupacional do Instituto Nacional da Silicose, na rolda de prensa de apresentación. A xornada informativa será o día 20 a partir das nove e media da mañá. Os temas a tratar serán as enfermidades producidas polo amianto, a conciencia e auto-organización de persoas expostas, e as alternativas sindicais.

A CIG-Valdeorras, en colaboración co Gabinete Técnico de Saúde Laboral da CIG organiza unha xornada técnica o vindeiro mércores dia 20 de Maio en O Barco de Valdeorras, no salón de actos do concello desta vila, para analizar cales son os perigos aos que se enfrontan os traballadores e traballadoras que traballan co amianto. A continuación reproducimos o programa á íntegra.

Dende que, vai xa para 14 anos, o sindicalismo internacional adoptou o 28 de abril como xornada de lembranza para as víctimas do traballo, non moitas cousas teñen mellorado a este respecto, de feito, cada 15 segundos morre no mundo un traballador/a como consecuencia dun accidente de traballo ou dunha enfermidade relacionada co traballo, preto de 5.500 o farán cando remate o día. Datos escandalosos que, no caso da Galiza, maniféstanse en 72 persoas mortas por causa de accidentes laborais e máis de 1.200 traballadores e traballadoras afectados por unha enfermidade profesional.