Delegados e delegadas da CIG de Ferrol concentráronse esta mañá ás portas do SMAC en apoio a un traballador con problemas de saúde que Frangosa Servizos despediu incumprindo a Lei de Prevención de Riscos. O acto de conciliación, ao que por parte da empresa só asistiu o avogado, rematou sen acordo.

A empresa Frangosa Servizos, auxiliar de Forestal do Atlántico, que desenvolve a súa actividade no complexo de Punta Promontorio, en Mugardos, acaba de despedir a un traballador con problemas de saúde que o limitan para algunha das funcións que ten que desempeñar. A federación de Químicas e Enerxía de Ferrol denuncia que o traballador vén padecendo estes problemas desde hai anos, pero que estaba desempeñando a súa función nun posto no que podía traballar sen limitacións.

A Unión Local da CIG de Valdeorras organiza unha xornada sobre prevención de riscos laborais para coidadores/as de persoas da terceira idade. A acción formativa desenvolverase no salón de actos do edificio multiusos do Concello do Barco este sábado día 15 de outubro entre as 9.30 e as 14.00 horas.

A CIG esíxelle á Consellería de Medio Rural que investigue de xeito inmediato o fatídico accidente aéreo no que faleceu un piloto con base en Beariz (Ourense) mentres participaba nas labores de extinción dun incendio na zona de Monterrei. A central nacionalista reclama que sexa o propio conselleiro o que compareza no Parlamento para explicar o acontecido e solicita a convocatoria do comité de saúde laboral.

A Unión Local da CIG de Valdeorras organiza unha charla informativa sobre as enfermidades profesionais máis frecuentes no sector da lousa. A cita será o xoves 29 de setembro ás 19.00 horas no salón de actos do Concello do Barco.

Máis dun cento de delegados/as da CIG en empresas da automoción participaron hoxe nunha xornada técnica sobre saúde laboral que serviu para iniciar unha campaña contra o non recoñecemento de enfermidades profesionais por parte das mutuas médicas. Ao remate da sesión desprezáronse até a sede do Cluster de Empresas de Automoción de Galicia (Ceaga), na avenida Citröen de Vigo, para realizar unha concentración coa que esixiron o cumprimento da normativa en materia de saúde laboral nas compañías asociadas.

Os traballadores e as traballadoras de Albada continuaron na mañá deste venres co calendario de mobilizacións en demanda da negociación do novo convenio colectivo, no que se recollan melloras en materia de seguridade laboral e incrementos salariais. Ademais, o Comité vén de aprobar unha nova xeira de concentracións diante das instalacións da empresa para a vindeira semana e solicitará unha xuntanza co presidente do Consorcio das Mariñas, xa que os municipios da comarca tamén se verán afectados pola convocatoria de folga indefinida a partir do 24 de abril.