O pleno do Parlamento galego rexeitou este martes, co voto en contra do PP, a Iniciativa Lexislativa Popular para a confluencia de Preescolar na Casa e o ensino público galego. Para a CIG-Ensino, que formou parte da Comisión promotora da ILP, esta decisión só pode explicarse desde punto de vista ideolóxico e político xa que o seu custo é insignificante, inferior ao 0,2% do que a Consellaría de Educación destina ao ensino privado concertado.

O Partido Popular deixou pasar hoxe unha nova oportunidade de comprometerse coa defensa dos principios da sanidade pública ao votar en contra da Iniciativa Lexislativa Popular (ILP) presentada na Cámara galega pola Plataforma SOS Sanidade Pública. O colectivo tamén convocou unha concentración cidadá ás portas do edificio en defensa da universalidade e gratuidade do sistema sanitario.

A Plataforma SOS Sanidade Pública convoca para mañá martes, día 18 de decembro, ás 10:00 horas, unha concentración diante do Parlamento de Galiza, coincidindo co debate da Iniciativa Lexislativa Popular impulsada por esta plataforma, para deter a política de recortes e privatizacións da Sanidade Pública Galega e para garantir o dereito constitucional á saúde das galegas e galegos. SOS Sanidade Pública está integrada por organización veciñais, sindicais, de usuarios, profesionais sanitarios, ONGs, partidos políticos e concellos, entre outros.

A negativa do PP a incluír para o seu debate en sede Parlamentaria a ILP presentada pola Plataforma SOS Sanidade Pública -avalada por máis de 40.000 sinaturas de galegos e galegas que amosaron así o seu apoio ao modelo de sanidade pública, universal, gratuíta e de calidade- é, para a CIG-Saúde, a constatación do talante profundamente antidemocrático do Partido Popular.

Representantes da CIG e do Comité de Empresa de Preescolar na Casa informaron hoxe, en rolda de prensa, da presentación de 25.000 sinaturas en apoio á Iniciativa Lexislativa Popular promovida para garantir a supervivencia deste programa educativo, despois de que Xunta de Galiza lle retirara todas as subvencións. A rapidez e número de apoios que se acadaron -dez mil máis dos necesarios en dous  meses- poñen de manifesto o respaldo social que esperta Preescolar na Casa.

A CIG-ENSINO vén de obter os/as tres delegados/as que se elixiron nas eleccións sindicais celebradas en Preescolar na Casa, obtendo os seus candidatos/as 68 votos. A candidatura de CCOO obtivo 11 votos e a de STEG 6. A CIG-Ensino agradece a todas as traballadoras e traballadores o seu apoio, que vén avalar o modelo sindical da central sindical e referendar o traballo e o compromiso  do sindicato coa defensa dos postos de traballo e do propio programa.

O pasado sábado 11 de febreiro membros de SOS Sanidade Pública da Coruña achegáronse até o Palacio da Ópera co obxecto de recoller sinaturas para a Iniciativa Lexislativa Popular que a plataforma ten posta en marcha en defensa e a promoción da sanidade pública. Para a súa sorpresa a policía pediulle a identificación e ordenoulles retirar a mesa na que estaban a recoller as sinaturas.