A negativa de Urbaser, concesionaria da limpeza viaria e da recollida do lixo no Concello de Ourense, a asinar o convenio de 2009 motivou que o 99% do persoal acordase en asemblea secundar unha folga de 24 horas, que se estenderá desde as 06:00 horas do 4 de xaneiro até a mesma hora do día posterior.

Desde fai máis dun ano, os traballadores/as da contrata do servizo de limpeza viaria e recollida do lixo do Concello de Ourense están pendentes do concurso público para unha nova adxudicación, o que ten provocado un atraso na aplicación do Convenio Colectivo do ano 2009, que aínda está pendente de negociación neste momento, ocasionando un importante perxurio económico para o persoal.

O Comité de Urbaser S.A.en Ourense manifestou o seu malestar co xeito de actuar da dirección da Empresa cos representantes dos traballadores/as, aos que nega sistematicamente a información que lle solicitan, así como polo reiterado incumprimento do estabelecido no Convenio colectivo en vigor. O Concello vén de adxudicar o novo contrato de Limpeza, aínda que a empresa nin informou negouse a informar sobre o procedemento, que afecta á subrogación do persoal.

Nin o Concello nin as Delegacións de Sanidade e Traballo se puxeron en contacto coa Central, malia que a CIG sempre se puxo á súa disposición a raíz da denuncia feita da falla de medidas de seguridade e prevención na utilización de amianto en Ourense.