En xuño zarpará rumbo a Gaza a II Flotilla da Liberdade con axuda humanitaria para a población da Faixa e co propósito de romper o bloqueo a que a ten sometida Israel. A CIG, que participa desta iniciativa internacional de carácter pacífico, chama a asinar o manifesto para sumar apoios e reclamar das autoridades que tomen as medidas necesarias para protexer a vida e integridade das persoas que forman parte dela.

Boicote, Desinvestimento, Sancións son os tres eixos baixo os que xira a actividade da plataforma internacional BDS, que dende hai oito meses opera tamén na Galiza. Entrevistamos a Antón Gómez Reino, “Tone”, integrante de BDS-Galiza, quen explica os principios e obxectivos deste movemento.

O vindeiro 18 de xaneiro, todos os galegos e as galegas teñen unha cita en Compostela para manifestar de nova a súa solidariedade co pobo palestino e amosar o total rexeitamento á masacre que o goberno de Israel está levando a cabo en Gaza. A mobilización, convocada por distintas organizacións entre as que se atopa a CIG, sairá da Alameda de Compostela ás 12:00 do mediodía.

O pasado sábado 10 de xaneiro, máis de cinco mil persoas percorreron as rúas de Vigo, nunha mobilización convocada por diversas organizacións, entre elas a CIG, para pedir o cese do masacre en Gaza e para expresar a solidariedade do pobo galego co palestino, o que para os convocantes supuxo un "rotundo éxito" que demostra a elevada sensibilidade do pobo galego con Palestina.

O venres 9 de xaneiro e o sábado 10 terán lugar distintas concentracións e manifestacións en apoio ao pobo palestino e contra o masacre de Gaza. A manifestación de Vigo sairá ás 18 da tarde da Via Norte e rematará na Porta do Sol, e a CIG é unha das organizacións convocantes desta mobilización, apoiada por distintos colectivos veciñais, sindicais, sociais e políticos. No interior deste nova encontraredes máis información sobre o resto de mobilizacións no resto do país en apoio ao pobo de Palestina.

Preto de 500 persoas participaron na concentración que tivo lugar na cidade de Vigo o pasado venres 2 de xaneiro ás 20h, diante do MARCO, en repulsa dos bombardeos israelís na Faixa de Gaza, en Palestina.  

Fronte aos bombardeos cos que o exercito de Israel provocou, polo momento, a morte de 360 palestinos e máis de 1600 feridos, así como a destrución de infraestruturas civís, e coa ameaza presente dunha invasión  militar terrestre do territorio palestino de Gaza, diversas organizacións sociais, sindicais, políticas, estudantís, veciñais, feministas e ecoloxistas CONVOCAMOS a toda a cidadanía de Vigo e bisbarra a unha concentración fronte ao MARCO, o vindeiro venres 2 de xaneiro a partires das 20h.