A Confederación Intersindical Galega (CIG), sector de correos, vén de reiterar a denunciar a respecto de que a Xefatura Provincial de Correos e Telégrafos non procedeu á contratación, na unidade de distribución de O Burgo (Culleredo), de dous traballadores para substituír aos titulares durante as súas vacacións. Esta situación está a provocar que dende principios de mes neste concello e na localidade de O Temple, se teñan acumulado máis de 5.000 envíos sen repartir.

CIG-Correos vén de denunciar que varias zonas do Concello de Culleredo e do núcleo urbano de O Temple (no Concello de Cambre) levan desde principios de semana sen carteiro e con graves problemas no reparto dos obxectos postais, por mor do abandono da Xefatura provincial de Correos e Telégrafos que “non procedeu á contratación dun traballador/a para substituír ao carteiro titular durante as súas vacacións”.

Simulando os actos fúnebres pola morte do servizo postal público “despois dunha longa enfermidade provocada pola ineptitude e deixamento dos dirixentes de Correos e coa pasiva bendición dos partidos políticos”, delegados e delegadas de Correos desenvolveron unha protesta lúdico-reivindicativa en contra dos recargos e na defensa dun servizo público de cualidade.

Baixo o lema “A defensa dos postos de traballo, por un correo público de calidade e en contra das sobrecargas de traballo”, delegados e delegadas das organizacións sindicais con presenza en Correos de Galiza concentráronse diante da Dirección Territorial en contra da redución do número de contratacións durante o verán decretada pola empresa pública, obrigando así aos traballadores/as a sacar adiante, ademais da súa carga habitual, parte do traballo dos compañeiros/as ausentes e limitando a calidade do servizo postal.

Entre 4.5 e 5 millóns de obxectos postais permanecen sen repartir na Galiza, segundo os cálculos realizados pola CIG-Correos. O exceso do volume da correspondencia acumulado responde á decisión do goberno de Zapatero de suprimir o reparto extraordinario que habitualmente se viña realizando en período electoral, que agora se engade aos problemas estruturais do servizo no noso País e á falta de persoal.

Delegados e delegadas da CIG en Correos e traballadores/as da Oficina postal en Rianxo concentráronse na mañá do 2 de abril para demandar un incremento do cadro persoal que elimine os atrasos no reparto e evite a sobrecarga de traballo. Dende a CIG-Correos sinalaron que só hai sete carteiros para realizar o reparto en todo o municipio, a pesar de que farían falla tres traballadores/as máis para ofrecer un servizo de cualidade.

Os traballadores e traballadoras de Correos de A Coruña continuaron coas mobilizacións para denunciar a falla de persoal que afecta a practicamente todas as oficinas dos servizos postais da provincia. Desta volta, o Comité a Xunta de Persoal convocaron unha concentración diante da oficina de Boiro, que foi secundada por todo o persoal e á que acudiron delegados da CIG e a CGT.