O persoal de Alcoa Inespal continuou este martes co calendario de paros e concentracións en rexeitamento ás pretensións da empresa de descolgarse do convenio e aplicar unha rebaixa salarial que suporía unha perda de ingresos de arredor de 4.000 euros anuais por traballador/a. Dende a Sección Sindical da CIG entenden que con esta medida a empresa só busca recortar máis as condicións laborais, xa que nin quere negociar fórmulas de retorno e nin sequera presentou un plan de viabilidade.

Os traballadores/as de Alcoa Inespal iniciaron este xoves paros e mobilizacións en contra das pretensión da empresa de descolgarse do convenio colectivo e aplicar unha rebaixa salarial do 7%. Dende a Sección Sindical da CIG rexeitan a escusa do aforro alegada pola dirección, xa que entenden que con esta medida a empresa só busca recortar máis as condicións de traballo porque nin quere negociar fórmulas de retorno e nin sequera presentou un plan de viabilidade que garanta a continuidade da fábrica da Coruña.

A sección sindical de CIG de Alcoa Inespal A Coruña ante a noticia da que se fan eco varios medios de comunicación a respecto de que o problema que ten Alcoa coa tarifa eléctrica actual xa está solucionado e que a multinacional anunciou que vai proseguir a súa produción normal para o vindeiro ano, quere manifestar que estas afirmacións non se corresponden á realidade.

A CIG considera unha burla e un acto puramente electoralista a visita que o martes realizou o Ministro de Industria á fábrica de Alcoa na Mariña, xa que non achegou nin unha solución concreta ao problema da tarifa eléctrica –reclamada pola empresa- nin un compromiso firme que garanta a continuidade da produción do aluminio nas plantas de San Cibrao e A Coruña, así como dos empregos, con independencia das decisións que poida tomar a multinacional norteamericana.

Centos de traballadores e traballadoras procedentes das factorías de Alcoa en San Cibrao e A Coruña concentráronse este xoves diante dos edificios da Xunta en Compostela para reclamar dos gobernos galego e español a toma de decisións políticas que garantan o futuro da actividade industrial das factorías do aluminio e a alúmina en Galiza e o mantemento de todos os postos de traballo. Nesta ocasión, na protesta tamén participaron operarios/as procedentes das plantas que Alcoa ten en Avilés, Alacant e Amorebieta.

Este mércores os traballadores/as de Alcoa Inespal volveron saír á rúa para esixir dos Gobernos do PP unha solución que permita o mantemento da actividade industrial na factoría da Coruña e a continuidade dos empregos, tras das ameazas da multinacional estadounidense de pechar as instalacións. Con semellante obxectivo, membros do Comité de Alcoa San Cibrao subíanse ao alto da ponte de Feve en Viveiro para colgar unha pancarta en defensa dos postos de traballo e a continuidade da actividade industrial na comarca.

Dentro do calendario de mobilizacións que os traballadores e traballadoras de Alcoa San Cibrao están a realizar dende hai meses en defensa da continuidade da actividade da factoría e o mantemento dos empregos, os membros do Comité trasladábanse este martes até a cidade de Lugo para asistir ao Pleno da Deputación provincial no que se aprobou por unanimidade unha moción de apoio ás demandas do persoal.