As traballadoras de Serviasistencia concentráronse o xoves ás portas do Concello de Ferrol para denunciar a precaria situación laboral na que as ten deixado a empresa (unha das concesionarias do servizo municipal de atención no fogar), que leva meses de atraso no pago dos salarios e de xeito sistemático incumpre o establecido no convenio colectivo.

As traballadoras de Serviasistencia (unha das empresas que se encarga do servizo de axuda no fogar do Concello de Ferrol) levan máis de tres meses sen cobrar os seus salarios. Ademais, a empresa non respecta o descanso legal e non lles paga a nocturnidade nin as horas extraordinarias, aspectos todos eles recollidos no Convenio Colectivo e que cuxo incumprimento xa foi denunciado en reiteradas ocasións pola central sindical.

As traballadoras do servizo de limpeza do Concello de Burela, dependentes da empresa Pedra Salgada S.L., concentráronse novamente este luns, por espazo de media hora, na Praza do concello para reclamar os salarios que a empresa adebeda dende o mes de outubro.

A Federación de Servizos da CIG quere denunciar publicamente que a día de hoxe varios colectivos de traballadores e traballadoras de Sermasa aínda non cobraron a nómina do mes de novembro. Esta situación está a causar un grave prexuízo económico para os empregados/as afectados/as xa que estes/as teñen que afrontar os gastos correntes e ao pagamento das súas hipotecas sen ningún tipo de demoras.

Os traballadores e traballadoras de Lavandería La Espuma, situada no Polígono da Grela, queren chamar a atención sobre a situación de total indefensión na que se atopan nestes momentos. O persoal, que ten denunciado ao empresario por un posíbel delito de estafa no Xulgado do Penal, acode aos seus postos a diario mais permanece sen carga de traballo efectiva, xa que o propietario está desviando os clientes a outras lavanderías e comunicándolles o presunto peche do negocio.

A FGAMT-CIG compareceu esta mañá en rolda de prensa para informar e denunciar o acordo asinado entre CCOO, UGT e a patronal, no marco da comisión paritaria do convenio do téxtil e confección, que permitirá ás empresas abonar os atrasos salariais correspondentes ao ano pasado (como consecuencia da aplicación da cláusula de revisión salarial) en “dous cómodos prazos en xuño de 2012 e en 2013”. Este acordo afecta en Galiza a unhas 12.000 traballadoras e traballadores e chega pouco antes do inicio da negociación do novo convenio colectivo.

Un grupo de traballadoras e traballadores de Lavandería La Espuma (situada no Polígono da Grela) queren denunciar publicamente ao propietario da empresa por engano e estafa. Os sete traballadores/as entregaron á compañía 54.000 euros para a constitución dunha nova sociedade cooperativa, que finalmente non se puido crear xa que o dono da lavandería non compareceu ante o notario o día previsto. Os/as traballadores/as xa adiantaron que de non darse unha solución, a vindeira semana presentarán denuncia no xulgado do penal.