Logo de aprobar unha oposición para ingresar en Correos, e tras seis anos nunha Lista de Expectativa de Ingreso, a empresa postal, xunto a CCOO, UGT, C-SIF e Sindicato Libre, acordou eliminar estas listas sen ofertar os postos de traballo necesarios para que este persoal poida incorporarse como persoal fixo. Dende a CIG-Correos rexeitan esta decisión e demandan da empresa que ofreza os postos necesarios para garantir un emprego ás persoas que teñen a oposición aprobada.

O martes 5 de abril procedeuse á sinatura por parte de CCOO, UGT, CSIF e Sindicato Libre dos dous documentos que rexerán rexeran as relación laborais durante os próximos anos, cando menos até 2013: o III Convenio Colectivo para o persoal laboral e o Acordo Xeral para o persoal funcionario. A CIG en Correos non asinou estes acordos porque entende que non recollen melloras salariais nin sociais e todas aquelas cuestións que se pretenden vender como avances responden en realidade á criterios de aforro da empresa postal ou xa foron acadados pola vía xudicial.

Carteiros e carteiras do rural procedentes de toda Galiza concentráronse na tarde do martes diante do edificio de Correos de Compostela en demanda da creación dunha Mesa de Carburantes que permita actualizar as cantidades que a empresa postal paga aos traballadores/as polo uso dos seus vehículos particulares para facer o reparto.

A CIG-Correos rexistrou esta mañá na Delegación do Goberno na Galiza unhas 1.100 sinaturas de carteiros e carteiras que fan o reparto postal nas zonas rurais, para demandar a creación dunha mesa técnica específica na que a empresa e os traballadores/as poidan solucionar os problemas derivados do incremento nos prezos dos carburantes e dos gastos polo uso do vehículo particular.

A CIG-Correos vén de informar das intencións de Correos de pechar indefinidamente o servizo de atención ao público polas tardes nas oficinas de Sada e Betanzos, cando hai pouco a dirección anunciara por todo o alto aos veciños/as e traballadores/as a ampliación deste servizo e os seus múltiples beneficios para a bisbarra. A medida, segundo informaron dende a CIG-Correos, farase efectiva a partir do vindeiro 1 de outubro e podería ser o punto de partida para novos recortes nos servizos.

A Confederación Intersindical Galega (CIG), sector de correos, vén de reiterar a denunciar a respecto de que a Xefatura Provincial de Correos e Telégrafos non procedeu á contratación, na unidade de distribución de O Burgo (Culleredo), de dous traballadores para substituír aos titulares durante as súas vacacións. Esta situación está a provocar que dende principios de mes neste concello e na localidade de O Temple, se teñan acumulado máis de 5.000 envíos sen repartir.

A CIG-Correos celebrou esta tarde unha manifestación que percorreu as rúas de Compostela baixo o lema “Nin destrución de emprego, nin recorte de dereitos, nin de salarios. Por un Correo Público Galego de Calidade”. A marcha rematou na Praza do Toural coa intervención de Miguel Ramudo, secretario de Organización de CIG-Correos, quen denunciou a crise que atravesa a entidade a causa do fracaso do modelo empresarial polo que apostaron os sucesivos gobernos, e do propio Alberto Núñez Feijoo, quen converteu Correos e Telégrafos nunha Sociedade Anónima, o que favoreceu a substitución do concepto de servizo público polo de sociedade mercantil.