No mes de outubro realizáronse en Ourense 4.599 contratos, dos que 4.188 (91.06%) foron temporais. Só 411 fixéronse baixo a modalidade de contrato indefinido . Así mesmo, o número de contratacións descenderon con respecto ao mes de setembro en 283, e 765 en comparación co mes de outubro do ano pasado.

O deterioro do mercado laboral continúa o seu avance sen que os gobernos adopten medidas para virar esta situación. Segundo os datos feitos públicos este xoves polo Ministerio de Traballo, o número de desempregados en Galiza sitúase xa nas 242.142 persoas, sumando 9.224 parados/as máis que no mes de setembro (un 3.9%). Porén, resulta especialmente alarmante a evolución interanual do desemprego, situada xa no 8.1%, fronte á suba do 6,7% rexistrada no estado, e incrementando en 18.248 o número de persoas sen traballo no noso País a respecto de outubro de 2010.

Os datos da EPA revelan o grave deterioro do mercado laboral. Por vez primeira descende no III Trimestre a ocupación, cando se trata dun período que colle os meses de verán, onde sempre se constatou un aumento do número de ocupados/as. Tal é así, que con respecto ao mesmo trimestre do ano 2008, que foi cando comezou a sentirse a crise en Galiza, o número de ocupados descendeu en 127.000 persoas, pasando de 1.214.500 a 1.087.000. O número de ocupados diminuíu tamén respecto do II Trimestre deste ano, en 4.400 persoas.

A pesar de que o número desempregadas e desempregados rexistrados en Galiza reduciuse en 4.648 en maio con respecto ao mes anterior, a contratación rexistrou no noso país peores datos que no mesmo período de 2010. A cifra total de parados/as sitúase en 240.014, o que supón un incremento de 11.507 persoas con respecto ao mes de maio do ano pasado. Máis do 90% dos novos contratos foron temporais, mentres que o fomento da contratación indefinida supuxo só o 1,3% do total.

A afiliación máis nova da CIG desenvolveu este venres 17 unha xornada de loita nas sete cidades galegas co obxectivo de realizar un chamamento á participación da mocidade na folga xeral do 29 de setembro e denunciar o os ataques que se están acometendo contra os intereses da clase traballadora dende o poder, pero especificamente contra o que suporá a reforma laboral de empeoramento das condicións laborais e sociais para a xente moza. A pesar de que non se rexistraron incidentes, a Policía española retivo e identificou en Vigo a numerosas persoas cando camiñaban pola rúa.

Con 1.256 contratos temporais sobre un cadro de persoal total de 1.414 persoas a decembro de 2008, o Centro de chamadas da multinacional Bosch na cidade de Vigo, encabeza o ranking de temporalidade. A Audiencia Nacional deu por boa esta práctica empresarial.Na empresa de telemárketing Bosch, hai 158 persoas con contrato indefinido, 511 teñen un contrato temporal e hai 745 que teñen contratos de posta a disposición (ETT's). O Convenio de Contact Center establece que un 30% do persoal de operacións debe ter contrato indefinido, pero Bosch non computa os contratos de posta a disposición para este cálculo.