Na mañá deste venres, os corredores do Hospital Clínico de Compostela convertíanse no escenario para dúas concentracións dos traballadores/as. Por un lado persoal de enfermería protestaba contra a selección “a dedo” para tres prazas deste servizo; doutra banda, os traballadores de mantemento concentrábanse en contra a privatización deste servizo.

O 13 de marzo pasado desenvolveuse o terceiro exercicio do proceso selectivo para o ingreso no corpo de xestión da Administración da Xunta de Galiza, subgrupo A2, escala de xestión e sistemas de información. O sector da autonómica de CIG-Administración denuncia que nas sesións informativas anteriores ao proceso tratouse unha temática semellante á do exame, dándolle avantaxe ás persoas que asistiron a estas fronte ao resto de aspirantes.

Logo de aprobar unha oposición para ingresar en Correos, e tras seis anos nunha Lista de Expectativa de Ingreso, a empresa postal, xunto a CCOO, UGT, C-SIF e Sindicato Libre, acordou eliminar estas listas sen ofertar os postos de traballo necesarios para que este persoal poida incorporarse como persoal fixo. Dende a CIG-Correos rexeitan esta decisión e demandan da empresa que ofreza os postos necesarios para garantir un emprego ás persoas que teñen a oposición aprobada.

A CIG-Administración vén de de denunciar irregularidades na convocatoria dunha praza da Sociedade de Imaxe e Promoción Turística de Galicia (Turgalicia), pois, aclaran, o proceso incumpre a lei de organización e funcionamento da Administración Xeral e do Sector Público Autonómico. Diante desta situación, o sector de Autonómica da CIG xa remitiu o correspondente escrito á Dirección Xeral da Función Pública demandando a paralización e anulación da convocatoria.

CIG-Saúde vén de denunciar unha vez máis as políticas de desmantelamento sanitario que padece a área Sanitaria da Coruña por mor da diminución de cadros de persoal, a contratación precaria en todas as categorías ocultando as vacantes estruturais, peches de Unidades e Servizos, suspensión do Plan Mellora de Atención Primaria, etc.. Agora, ademais vén de iniciarse “unha ofensiva contra os dereitos dos profesionais sanitarios” coa denegación de permisos de libre disposición, formación, deber inescusábel ou enfermidade moi grave.

A CIG-Saúde desenvolveu este venres concentracións nas distintas Xerencias de Atención Primaria para esixir á Consellaría de Sanidade que oferte o 100% das prazas vacantes en medicina de familia para o persoal que superou o proceso selectivo, xa que a administración pretende ofrecer só aqueles postos de máis difícil cobertura.

CIG-Saúde vén de dirixir un escrito á conselleira de Sanidade, Pilar Farjas, denunciando que a unha semana de que o persoal que superou o proceso selectivo para facultativos de hospitais (segundo a Resolución do 11 de decembro) para a dotación de 2 prazas de radiofísico hospitalario en Galario, con destino no novo hospital de Lugo, a administración suprimiu estes destinos e ofertou estas prazas noutros complexos hospitalarios do SERGAS (CHUS e CHOU).