Desde a CIG-Construción de Compostela veñen de denunciar a situación na que se atopa a Construción de Obra Pública, onde se están a facer xornadas superiores ás legais, sen que se respecten unhas condicións laborais mínimas. Como exemplo sinalan a situación dos arredor de 400 traballadores da obra de construción da nova terminal do aeroporto de Lavacolla, que alén de traballar máis horas das estipuladas pretenden que o fagan tamén durante as vacacións da Semana Santa.

O Tribunal de Xustiza de la UE recoñeceu, na sentenza do 10 de setembro de 2009, que un traballador que estea de baixa por incapacidade temporal durante o período fixado no calendario de vacacións da empresa ten dereito a gozalas unha vez que sexa dado de alta.

A CIG-Mocidade de Vigo organiza o vindeiro sábado 18 de abril un curso sobre lexislación laboral dirixido a mozos e mozas de até 30 anos. A xornada desenvolverase nos locais da central en Vigo (r/ Gregorio Espiño 47) de dez da mañá até as dúas da tarde.

A CIG de Valdeorras vén de anunciar a organización dun curso de formación interna sobre Lexislación laboral e relacións laborais básico, a desenvolver a partir do vindeiro 27 de febreiro. O curso, ten unha duración de 50 horas, das que 35 serán presenciais e as outras 15 horas a distancia.