A CIG participou na delegación sindical europea que a finais do pasado mes de xaneiro visitou os territorios ocupados do Sáhara Occidental co obxecto de trasladar a solidariedade e apoio ao pobo saharauí e avaliar sobre o terreo a situación a respecto dos dereitos humanos, sindicais, laborais e políticos, tendo como referencia os últimos e gravísimos ataques de Marrocos.

Diante dos tráxicos sucesos que están a acontecer nos territorios ocupados do Sáhara Occidental, na tarde do xoves, 16 de decembro, desenvolveuse en A Coruña unha nova concentración de apoio á loita dos e das saharauís pola súa autodeterminación e contra os brutais ataques perpetrados polo réxime marroquí. A concentración, convocada por distintas organizacións sociais, entre as que se atopaba a CIG, realizouse diante da Delegación do Goberno, onde se procedeu á lectura dun manifesto.

A CIG vén de iniciar unha campaña de recollida de sinaturas entre traballadores/as, seccións sindicais, comités de empresa e sindicatos en solidariedade coa activista saharauí Aminetu Haidar na súa loita pola Soberanía do Sáhara Occidental. O manifesto de apoio pódese asinar dixitalmente a través da web da CIG pinchando no banner superior da páxina de inicio ou a través do enlace que atoparás ao final desta nova.

A Confederación Intersindical Galega considera que as accións realizadas polos gobernos de Marrocos e do estado español a través dos seus axentes e autoridades actuantes directamente vulneran a legalidade internacional, a lexislación interna de ambos os dous países e os dereitos humanos de Aminetu Haidar, tal e como teñen manifestado diferentes gabinetes xurídicos, organizacións de defensa dos dereitos humanos e grupos de apoio á activista saharaui Aminetu Haidar.

O Gabinete de Presidencia do Goberno español vén de respostar á CIG que considera que a expulsión da activista saharaui desde El-Aiun, por parte de Marrocos, non é conforme ao dereito internacional. Na súa comunicación, remitida o pasado 7 de decembro, recoñece que a situación na que se atopa a activista saharaui “é, sen dúbida, penosa” e manifesta que o goberno “respecta plenamente a súa pacífica loita na defensa das súas lexítimas reivindicacións políticas”. Porén, propón que solicite pasaporte marroquí ou que acepte a nacionalidade española para poder viaxar.

A Unión Xeral de Traballadores Saharauis, UGTSARIO, vén de remitir unha carta á CIG agradecendo o activo apoio da central sindical pola súa contribución, en todos os ámbitos, para salvar a vida de Aminetu Haidar. A CIG, asinou, xunto con outras organizacións sindicais, unha carta dirixida ao Presidente e ao Ministro de Asuntos Exteriores do goberno español no 35º EUCOCO, celebrado en Barcelona condenando a súa expulsión do Sahara Occidental, a súa retención ilegal, a vulneración dos dereitos humanos e da lexislación internacional.

A República Árabe Saharaui Democrática - RASD - foi declarada independente pola Fronte POLISARIO o 27 de febreiro de 1976, abranguendo o territorio correspondente ao previamente denominado Sahara español.