A CIG de Verín reclámalle á Consellería de Sanidade que paralice as xestións encamiñadas a suprimir o servizo de urxencias da vila, situado na rúa Juan Guerra Valdés e critican a pasividade do Goberno local diante dun novo ataque aos servizos públicos por parte da Xunta. Ao mesmo tempo, denuncian que non se está a informar sobre a decisión os veciños/as nin os profesionais que desenvolven o seu labor no centro e esixen a convocatoria dunha xuntanza con todos os sectores implicados.

A CIG e o O Concello de Verín alcanzaron un preacordo sobre o inicio da negociación colectiva para o persoal laboral e funcionario que posibilitará, en caso de respectarse, que a representación sindical non impugne, logo de catro anos facéndoo, os orzamentos municipais para o exercicio 2012.

A Sala do Contencioso Administrativo do TSXG, estimando o Recurso de Apelación interposto pola CIG, vén de anular, definitivamente, o Orzamento Xeral do Concello de Verín do ano 2009 por vulnerar o dereito de negociación colectiva da central sindical nacionalista. A sentenza do alto tribunal galego condena tamén á entidade a acometer unha negociación real coa representación sindical. Ademais, o Tribunal Superior de Xustiza de Galiza impón ao Concello, como parte vencida no preito, o pagamento das costas do proceso por valor de 1.000 euros.

A Unión Local de Verín da Confederación Intersindical Galega (CIG) alerta da “desastrosa” política en materia de emprego que está a desenvolver o Goberno local, presidido por Juan Manuel Jiménez Morán, do Partido Popular. Lembran que a taxa de paro pasou das 1.221 persoas en 2007 ás 1.730 rexistradas actualmente.

O Concello de Verín rexeitou a solicitude feita pola CIG no sentido de poder publicitar mediante megafonía a convocatoria de folga xeral do vindeiro 27 de xaneiro apelando á ordenanza municipal sobre civismo, uso e limpeza da vía pública e protección da paisaxe urbanística. A negativa comunicouse mediante un decreto asinado polo rexedor local, do PP, que xa foi recorrido pola central nacionalista mediante a presentación dun contencioso-administrativo.

A Unión Local da CIG de Verín vén de denunciar que o Concello continúa sen dar cumprimento da sentenza xudicial pola que quedou a anulada a oposición de auxiliar de biblioteca, dous anos despois de que saíse publicada a resolución. Diante desta situación, a CIG, como promotora do recurso, veuse na obriga de acudir de novo ao xulgado do Contencioso Administrativo para reclamar a execución forzosa da sentenza, recurso que foi estimado, polo que agora o alcalde poderíase enfrontar a multas coercitivas persoais pola dilación inxustificada.

O Comité de Empresa do Concello de Verín denuncia a política de privatizacións que está levar neste concello o seu alcalde, o señor Juan Manuel Jiménez Morán. En setembro do ano pasado privatizou o servizo público de augas deste concello aludindoá necesidade de facer fronte as débedas deixadas pola anterior corporación.