A Consellaría de Educación non recolle 53 vacantes de departamentos de orientación propostas polas Xefaturas territoriais e informadas favorabelmente pola inspección, na convocatoria de concurso de traslados. Así se constata na convocatoria publicada no DOG do 29 de novembro, do “concurso de traslados específico entre persoal funcionario docente do corpo de mestres para cubrir prazas de xefatura do departamento de Orientación nos colexios públicos de educación infantil e primaria e de educación primaria dependentes da Consellería de Educación”.

Máis de 250 persoas, entre axentes forestais e axentes facultativos mediambientais, acompañados por representantes da CIG, da Organización Galega de Montes Veciñais, FRUGA, BNG ADEGA ou ERVA, entre outros, concentráronse esta mañá ante Medio Rural para exixir a negociación “seria e efectiva” dun novo acordo de condicións de traballo.

O Comité de Albada vén de amosar o seu malestar polas declaracións realizadas pola dirección da empresa, a respecto dos danos rexistrados na madrugada do sábado na planta de Nostián, nas que se apuntaba aos traballadores/as como presuntos culpábeis. Fronte a isto, o Comité rexeitou calquera “acto vandálico” e reiterou que nin a representación legal do persoal nin os/as traballadores/as tiveron na que ver co sucedido.

Os traballadores e as traballadoras de Emafesa (empresa mixta de augas do Concello de Ferrol) comezaron na mañá do xoves as mobilizacións en contra da conxelación das súas retribucións e pola sinatura dun novo convenio que recolla melloras salariais e sociais.

O Comité de empresa de Pull&Bear Loxística de Narón vén de convocar folga para os días 28,29,30 de setembro e 1 de outubro para esixir un convenio digno que recolla melloras salariais e sociais acordes cos resultados económicos presentados polo Grupo Inditex hai uns días. Así mesmo, os traballadores e traballadoras están secundando paros de unha hora todos os domingos e martes nas quendas de noite e mañá, respectivamente. Medidas de presión que contan coa participación da práctica totalidade do persoal.

Os traballadores e traballadoras do servizo de limpeza viaria e de praias do Concello de Sada, adxudicada á empresa Urbaser, comezarán a partir de mañá, xoves 24 de agosto, unha folga indefinida de non acadarse un compromiso satisfactorio na xuntanza convocada polo alcalde do municipio para este luns ás 17 horas.

A sección sindical da CIG-Saúde no Complexo Hospitalario Xeral-Calde amosou a súa preocupación pola falta de diálogo da dirección de persoal coas organizacións sindicais que ostentan a representación do persoal, a pesar de estarse adoptando medidas que afectan á organización do traballo.