Coa participación de dous mil rapaces e rapazas, Compostela acolleu este luns a celebración do Correlingua, actividade lúdico-educativa de reinvindicación da lingua galega, organizada pola Asociación Socio-Pedagóxica Galega, a CIG–Ensino e a Mesa pola Normalización Lingüística, xunto cos Concellos de Lugo, Ourense, Pontevedra e Vigo. Na carreira pola lingua de Santiago participou alumnado procedente de 25 centros de ensino primario e secundario das comarcas próximas á cidade.

Arredor de 4.000 rapaces e rapazas participaron este venres nunha nova edición do Correlingua na Coruña que este ano se desenvolve baixo o lema “En galego todo o que buscas”. Os/as escolares saíron pouco despois das 11:00 horas do Pavillón de Deportes de Riazor, continuaron polo paseo marítimo, Zalaeta, Campo da Leña e Rúa de San Xoán e Avenida de Navarra até rematar o percorrido diante da Torre de Hércules, onde se deu lectura ao manifesto da edición 2012 e se entregou o premio á mellor faixa.

O Concello da Coruña retirou toda a súa colaboración co Correlingua, a carreira pola lingua organizada pola Mesa pola Normalización Lingüística, a Asociación Socio-Pedagóxica Galega e a Confederación Intersindical Galega–Ensino, que contaba coa participación da institución local desde os seus inicios no ano 1999. Para a edición 2012, dita colaboración ía consistir só na colocación dun palco propiedade do Concello da Coruña para se desenvolveren as actuacións musicais e teatrais do Correlingua, compromiso ao que chegara o Concelleiro de Educación, Deportes e Mocidade nunha reunión mantida cos organizadores.

Representantes das entidades organizadoras do Correlingua 2012 presentaron esta mañá en Santiago a décimo terceira edición desta carreira que arrincará o vindeiro 2 de maio na cidade de Ourense e que percorrerá once comarcas baixo o lema “Galego. Todo o que buscas”.  No acto entregáronse tamén os premios do Certame de vídeo, Banda Deseñada e do Manifesto ao alumnado dos colexios e institutos participantes. Os centros premiados son CPI Pontecesures (4º da ESO) polo Manifesto, e finalista CPI Ponte Carreira de Frades, en Banda Deseñada o CEE O Pino de Ourense e o CEIP A Laxe de Marín (3-5 anos) e en Vídeo o IES Mosteirón de Sada.

Milleiros de escolares da comarca de Vigo percorreron as rúas da cidade este xoves 12 de maio nunha nova edición do Correlingua, iniciativa en defensa do idioma que este ano se celebrou baixo o lema "En galego sempre somos". Os estudantes concentráronse pouco antes das 11.00 horas da mañá na Praza do Rei, onde lles dirixiron unhas palabras o alcalde e o edil de Deportes, para a continuación percorrer o centro até o parque de Castrelos.  Unha vez alí, realizaron distintas actividades e puideron gozar de actuacións musicais do grupo de Galeoke do colexio Pedro Floriani e dun espectáculo de maxia a cargo de Martín Camiña.

Arredor de 3.000 rapaces e rapazas participaron este mércores nunha nova edición do Correlingua na Coruña que este ano se desenvolve baixo o lema “En galego sempre somos”. Os/as escolares, equipados con faixas e a un ritmo trepidante que contou coa animación dos Festicultores, saíron ás 11:00 horas do Pavillón de Deportes de Riazor, pasando polo paseo marítimo, Zalaeta, Campo da Leña e Orillamar até rematar o percorrido diante da Torre de Hércules, onde os/as participantes gozaron dun espectáculo de maxia e música en galego, alén de dar lectura ao manifesto e proceder á entrega do premio á mellor faixa.

Tras percorrer xa 12 vilas e coa vista na última etapa mañá en Vigo, o Correlingua 2010 estase a amosar todo un éxito de participación. Esta mesma mañá desenvolvíase a carreira pola lingua en A Coruña, na que participaron uns 6.000 rapaces e rapazas procedentes de máis de 40 centros da cidade e a súa bisbarra, que percorreron ao berro de “galego, galego” o paseo marítimo entre Riazor e a Torre de Hércules.