A dirección de Novagalicia Banco achegou, na xuntanza do 7 de febreiro, o “Plan de medidas de acompañamento social”. A primeira parte denominada “Memoria de Causas Económicas, organizativas e produtivas”; a segunda “Medidas extintivas de contratos de carácter inmediato” e a terceira “Medidas de aforro de custos e xestión gradual do excedente dirixidas a reducir ou paliar os efectos da extinción de contratos”. A documentación forma parte, segundo a CIG-Banca, da que legalmente deben presentar as empresas en caso de ERE, aínda que incompleta. Por iso, xa convocou una protesta no Parlamento de Galiza o día 15.

Os tres delegados/as de persoal da Fundación Semana Verde de Silleda (dous da CIG e unha de CCOO) compareceron hoxe en rolda de prensa xunto a representantes dos dous sindicatos para explicar como se atopa a tramitación do ERE e denunciar que a mala xestión da entidade é culpábel da delicada situación económica que provocou nove despedimentos. Tamén amosaron a súa confianza en que o recurso de alzada presentado contra o ERE temporal lles sexa favorábel e adiantaron que nos vindeiros días manterán unha reunión co presidente da Fundación e conselleiro de Presidencia, Alfonso Rueda.

O 13 de marzo do 2011 mentres o nacionalismo sindical e político se manifestaba conxuntamente en Santiago para defender a existencia dunha Caixa de Aforros Pública e Galega, o Presidente da Xunta de Galicia puña en marcha a operación “Castellano”. Situaba ao fronte a José María Castellano nunha operación destinada a pilotar o proceso de privatización e venda da entidade. Hoxe cando o Partido Popular prepara un novo proceso de concentración e centralización do poder financeiro, e polo tanto económico e político, a operación auspiciada por Alberte Nuñez Feijoo demostrou estar orientada ao desmantelamento da Entidade, tal e como denunciamos dende o primeiro momento.

Novagalicia Banco comunicaba este luns ás organizacións sindicais que a entidade ten que aforrar 50 millóns de euros anuais en gastos de explotación, que sobran 250 persoas nos servizos centrais de Galiza e entre 350 e 400 na rede 2. Excedentes que xustifican polo peche de 110 oficinas. O total de persoal excedente é de 650 persoas, en 2012, sen descartar novos recortes para o ano que vén.

Delegados e delegadas da CIG no Banco Pastor realizaron esta mércores unha concentración na oficina principal da Coruña para denunciar os custes laborais que está tendo o proceso de absorción do Banco Pastor polo Banco Popular. Dende a Sección Sindical criticouse a “liquidación a prezos de saldo” que o Banco Pastor está a facer do seu cadro de persoal e demandáronse solucións que garantan o mantemento dos empregos en Galiza tanto no banco como nas empresas do seu Grupo.

A CIG-Banca vén de rexeitar, novamente, a conxelación salarial prevista para os vindeiros catro anos no preacordo do convenio estatal de caixas, que suporá unha perda do poder adquisitivo de entre o 8 e o 10%. A este respecto, a Federación da CIG puntualiza que esta conxelación e recorte salarial non se basea na situación do sector senón que responde ao Acordo Interconfederal asinado recentemente por CCOO, UGT, CEOE e CEPYME.

Na mañá deste mércores comezaron en Madrid as reunións entre as organizacións sindicais e os representantes do Banco Pastor e o Banco Popular de cara a abordar as consecuencias laborais do proceso de absorción. Dende a CIG reivindicouse a necesidade de negociar un protocolo que garanta o emprego, así como un plan de prexubilacións para afrontar do xeito menos traumático os posíbeis axustes de persoal.