O DOG do 30 de Maio publica a Orde pola que se regulan as axudas económicas para atención da primeira infancia nas escolas infantís (0-3) non sostidas con fondos públicos, a través do programa cheque infantil. A contía da axuda estará en función da renda per cápita da unidade familiar e non poderá superar, en ningún caso o custo da praza. No caso de media xornada reducirase nun 50%.

O Comité de Traballo e Benestar da Coruña desenvolveu este martes unha nova xornada de mobilizacións en defensa dos servizos sociais, das condicións laborais e contra as amortizacións de postos de traballo. Desta volta, as concentracións realizáronse en Ferrol, diante das Escolas Infantís Virxe de Chamorro e Catabois.

O Consorcio Galego de Servizos de Igualdade e Benestar formaliza a xestión privada  de varias escolas integradas na Rede Galega de Escolas Ingantís. En concreto trátase da xestión da atención educativa da escola infantil de Pontevedra-Monte Porreiro, de Betanzos, de Carballo-A Braña e do Pino. Así figura no  DOG 30/04/2012. Para CIG-Administración este é “outro claro exemplo de austeridade hipócrita”.

A Xunta mantén abertas e con todo o seu cadro de persoal as Escolas Infantís Virxe de Chamorro e Catabois, a pesar de non ter nenos aos que darlle servizo, incumprindo así o V Convenio Colectivo de persoal e ocasionando uns gastos innecesarios de funcionamento das instalacións, segundo denuncian dende a CIG-Administración Autonómica de Ferrol.

Traballadoras e traballadores, delegados/as da CIG e pais e nai participaron este venres na concentración celebrada na Escola Infantil de Ortigueira para reivindicar do Consorcio a aplicación do convenio único de persoal laboral da Xunta, o mantemento do carácter público do ente e os servizos que presta e a estabilidade do seu persoal. Ao remate da mesma tivo lugar unha asemblea.

A Secretaría da Muller da CIG informa de que se vén de abrir o prazo de preinscripción nas Escolas Infantís 0-3 anos, dependentes da Consellaría de Traballo e Benestar e do Consorio Galego de Servizos de Igualdade e Benestar (Rede "Galiñas Azuis"), nas que xa se aplicarán os novos prezos estabelecidos pola Xunta para as garderías, que no caso dalgúns servizos, como o de comedor, mesmo chegan a duplicar o custe actual.

Persoal do Consorcio Galego de Servizos de Igualdade e Benestar e pais e nais afectadas concentráronse na tarde do xoves diante da Escola Infantil de Eirís (A Coruña) para demandar da Xunta de Galiza que aplique dunha vez o convenio para todos os traballadores e traballadoras do Consorcio, garantías do mantemento dos empregos, así como rexeitar a decisión de privatizar os centros “Galiña Azul” de nova apertura.