A CIG reclámalle á Inspección de Traballo que paralice temporalmente as obras de construción da liña ferroviaria de Alta Velocidade en Ourense tras tres accidentes en dous días -un deles cunha vítima mortal- até que non se garanta a seguridade e integridade dos operarios/as. Dende a central nacionalista denuncian as condicións de insalubridade na que estes desenvolven o seu labor “en xornadas nas que os descansos e a turnicidade non cumpren coas xornadas diarias nin semanais”.

A CIG manifesta o seu pesar e trasládalle as súas condolencias os familiares do traballador da empresa Vías e Construcións falecido durante a xornada nocturna do luns nas obras do AVE na estrada de Vilar de Barrio a Laza, en Ourense. Ao mesmo tempo, dende a central nacionalista denuncian que a falta de medidas de seguridade e a presión que se exerce sobre os operarios/as “están a provocar situación extremas de perigo” e reclaman un control efectivo por parte da Inspección de Traballo.

Unha xornada máis, as extraballadoras e extraballadores do Grupo Empresas Álvarez de Pontevedra tiveron que trasladarse até a sede da inmobiliaria do Grupo Azkar, Inversiones Subel, para reclamar o pagamento das contías correspondentes á venda dos terreos que a antiga fábrica de porcelana ocupaba en Coruxo e Cabral. O grupo de afectadas/os, xa advertiu que realizará todas as protestas que sexan necesarias até chegar a unha solución satisfactoria, nun conflito que xa se prolonga dende hai case doce anos.

Dende o inicio da crise destruíronse no sector da construción en Galiza un total de 54.945 postos de traballo asalariado, o 50,64% dos existentes no ano 2007 (106.945). Na provincia de Pontevedra a destrución de emprego foi maior: si no ano 2007 había 36.929 traballadores/as asalariados, agora, segundo datos da Seguridade Social, hai 16.336 afiliados/as. Isto é, 20.543 menos, o que significa a destrución do 55,76% dos existentes en 2007 (36.929).

Os traballadores de Estruturas y Obras de Galicia (ESOGA) denunciaron publicamente este venres a situación de total indefensión na que se atopan tras a “desaparición” do administración único da empresa, sen comunicarlles o peche da mesma, sen entregarlle as cartas de despedimento e debéndolle os salarios dos dous últimos meses.

Tras cinco horas de protestas e unha hora máis de discusión co até agora propietario do Grupo Azkar, as ex traballadoras e traballadores de Álvarez regresaban a Pontevedra tirando o compromiso da empresa de que manterá unha xuntanza para avaliar unha saída ao conflito, mais coa negativa a abonar un adianto das contías adebedadas pola venda dos terreos da antiga GEA en Coruxo e Cabral.

Os traballadores e traballadoras de Tafiber (dedicada á fabricación de taboleiros de madeira) realizaron unha concentración na tarde deste mércores, en apoio aos compañeiros/as afectados/as polo peche da fábrica Tableros Tradema de Solsona.