Máis dun cento de traballadores/as e parados do naval participaron hoxe na protesta convocada por CIG, CCOO e UGT coincidindo coa inauguración en Vigo de Navalia, a maior feira do sector do Estado español, por parte do presidente da Xunta. Dende a central nacionalista volveron reclamar un compromiso político que permita salvar unha industria fundamental para a comarca e estratéxica para o conxunto do país.

A Confederación Intersindical Galega (CIG) convoca concentracións nas sete cidades galegas e en Vilagarcía de Arousa este mércores 23 para rexeitar a reforma laboral que o Goberno español do Partido Popular ten previsto aprobar no Congreso dos Deputados ao día seguinte. A central nacionalista chama á clase traballadora galega a responder na rúa os ataques contra os dereitos da maioría social.

A CIG aproveitou este venres a celebración do día Internacional da Saúde e Seguridade no Traballo para denunciar, unha vez máis,a falla de actividade preventiva entre o persoal que participa na loita contra os incendios forestais. Diante disto, o sector de Autonómica de federación de Administración da central nacionalista convocaou unha protesta en Ourense, que se desenvolveu diante da Casa de Chocolate este venres 27 de abril de 11.00 a 12.00 horas.

A CIG aproveita a celebración do día Internacional da Saúde e Seguridade no Traballo para denunciar, unha vez máis,a falla de actividade preventiva entre o persoal que participa na loita contra os incendios forestais. Diante disto, o sector de Autonómica de federación de Administración da central nacionalista convoca unha protesta en Ourense que se desenvolverá diante da Casa de Chocolate este venres 27 de abril a partir das 11.00 horas.

Arredor de medio cento de traballadores/as participaron hoxe na concentración convocada polo comité do Grupo AMS diante da sede da empresa en Vigo para rexeitar o despedimento de 10 compañeiros. A protesta, que terá continuidade nos vindeiros días desenvolveuse entre as 18.00 e as 20.00 horas no polígono do Freixo, en Sárdoma.

Os traballadores/as da empresa Maier Ferroplast SL volveron ás mobilizacións diante da sede da compañía, no polígono porriñés da Granxa, para reclamar a readmisión dun compañeiro despedido. Dende a CIG explican que o afectado, técnico de mantemento na firma auxiliar da automoción que fabrica plásticos de interior para automóbil e que emprega a unhas 220 persoas, foi despedido despois de máis de 13 anos na empresa acusado de baixo rendemento. Ao parecer, a dirección tería comparado o tempo que tarda en desenvolver o seu labor co do resto dos seus compañeiros/as.

Unha ducia de traballadores de Cespa, empresa concesionaria da recollida do lixo en Nigrán, participaron hoxe na protesta organizada diante do Concello para esixir a readmisión dun compañeiro despedido por permanecer de baixa médica máis dun ano. Dende a CIG-Servizos de Vigo denuncian que se trata dun novo caso de aplicación da reforma laboral que vén de aprobar o PP xa que a empresa alega que os empregados/as que collen baixas “non son rendíbeis” e resolve a rescisión de contrato cunha indemnización de 20 días por ano traballado e 12 mensualidades.