A Inspección de Traballo vén de recoñecer, despois das denuncias da CIG, un caso de acoso laboral a unha traballadora do Consorcio Internacional de Cine, organismo dependente do Concello de Ourense. Dende o sindicato nacionalista advirten que farán un seguimento do caso até que os responsábeis municipais restitúan á afectada en todas as súas funcións e realicen unha avaliación de riscos psicosociais cun protocolo para estes casos.

 A CIG realizará, o vindeiro venres 23 de decembro, a presentación de dúas novas publicacións elaboradas polo Gabinete Técnico Confederal de Saúde Laboral. Trátase da Guía “Risco Químico: Guía Básica de Información e Sensibilización” e o “Estudio sobre a incidencia da xornada de traballo na seguridade Laboral e nos Riscos Psicosociais”.

A FGAMT-CIG (Federación Galega de Alimentación, Mar, Transportes, Téxtil e Telecomunicacións) vén de denunciar publicamente as neglixentes actuacións detectadas nos últimos tempos nos distintos servizos médicos (especialmente na Inspección Médica e as Mutuas), consistentes en dar a alta laboral a condutores profesionais que están a recibir un tratamento que impide manexar vehículos e maquinaria nas condicións de seguridade adecuadas.

A CIG quere denunciar publicamente o persistente silencio mantido pola Autoridade Portuaria da Coruña quen, a pesar do gravísimo accidente que custou a vida a un traballador de Grúas Usabiaga, once días despois continúa sen convocar a Mesa de Seguridade de Langosteira. Ademais, a Inspección de Traballo ten paralizadas as tarefas de desmontado da grúa na que se produciu o accidente até que non se garantan todas as medidas necesarias para realizar os traballos de xeito seguro.

A federación de Construción da CIG de Vigo denunciou hoxe a falta de sensibilidade da dirección da empresa Áridos de Ponteareas, do grupo Crisóstomo, tras o accidente laboral que lle custou a vida a un traballador de 46 anos. Dende a central nacionalista critican que os seus oito compañeiros/as foron obrigados a regresar aos seus postos minutos despois de que se producise o levantamento do corpo.

O 100% do cadro de persoal da UTE-Langosteira está secundando o paro de 24 de horas convocado polo Comité nas obras do Porto Exterior da Coruña en rexeitamento ao accidente que o pasado venres lle custou a vida a un traballador de Grúas Usabiaga, afiliado á CIG. Con este paro o persoal tamén quere trasladar a súa solidariedade á familia do afectado e reclamar a revisión e reforzamento das medidas de seguridade nas obras do porto.

Diante do gravísimo accidente ocorrido esta tarde nas obras do Porto Exterior da Coruña que lle custou á vida a un traballador de Grúas Usabiaga, a CIG esixe á dimisión dos máximos responsábeis da Autoridade Portuaria en materia de seguridade, así como que se depuren as posíbeis responsabilidades penais por este feito.