O venres 4 de marzo realizouse diante da Galería de Sargadelos en Lugo unha concentración convocada polos oito despedidos/as na fábrica de Cerámica de Cervo. Coa concentración, que contou co apoio das delegadas da CIG no Comité de empresa, así como de membros das Executivas Local e Comarcal, quérese chamar a atención sobre a situación destes traballadores e traballadoras e reclamar da empresa “unha solución, que pasaría pola negociación e a readmisión”.

A CIG presentou o xoves 28 de outubro, no portelo único do Concello de Cervo, o recurso de alzada contra a resolución da Delegación de Lugo da Consellería de Traballo pola que se aprobou o ERE de extinción de 26 empregos na fábrica de Sargadelos. Coincidindo co rexistro do recurso, desenvolveuse unha concentración diante das portas do Concello en demanda da readmisión das e dos traballadores despedidos e a prol do comezo dunha nova negociación coa dirección de cara a procurar solucións de futuro para a histórica cerámica.

Traballadores e traballadoras da fábrica de Sargadelos en Cervo continuaron esta tarde o calendario de mobilizacións contra a autorización do expediente de regulación de emprego presentado pola empresa, que xa se ten concretado na entrega da carta de despedimento a oito empregados/as. O ERE, que afectará a un  total de 26 traballadores/as, foi aprobado a pesar de que a Delegación de Traballo de A Coruña rexeitou a regulación para a fábrica do grupo en Sada.

Os membros do Comité de Sargadelos da CIG veñen de rexeitar a actuación da dirección empresa, quen está a incumprir os acordos saídos da negociación do expediente de regulación temporal polos que a cerámica se comprometía a non realizar ningún despedimento e a retomar o servizo de comedor nas mesmas condicións tras o remate de vixencia do ERE. Non obstante, a dirección de Sargadelos vén de despedir a un traballador, afectado polo expediente, así como de externalizar os servizos de comedor.

As traballadores e traballadores da fábrica de Sargadelos en Cervo concentráronse diante do comedor das instalacións para denunciar o peche do mesmo levado a cabo de xeito “unilateral” pola empresa, xa que, segundo o pactado no expediente de regulación temporal este servizo sería cerrado durante seis meses unha vez se puxera en marcha o ERE que afecta á practica totalidade do cadro de persoal.

As traballadoras e traballadores do grupo Sargadelos de Cervo e Sada chegaron finalmente na tarde do 31 de marzo a un acordo coa empresa no expediente de regulación de emprego, que posteriormente foi asinado polo Comité e a dirección. O acordo, que foi votado en asemblea entre as tres opcións presentadas por Sargadelos, establece que un tercio da xornada se acumule en días, o que supón que cada traballador/a poderá permanecer no paro 60 días como máximo.