A Inspección de Traballo vén de sancionar cunha falta moi grave á empresa Suministros y Áreas de Servicio Ploc (Suarsesa) por vulnerar o dereito á liberdade sindical dun empregado. O Tribunal Superior de Xustiza de Galiza (TSXG) condenara recentemente á compañía que xestiona estacións de servizo de Cepsa en Ribadavia e Ponteareas polo mesmo motivo, decisión contra a que xa non cabe recurso. A sentenza obriga á compañía a devolverlle ao afectado a súa condición de delegado de persoal, cargo que lle foi revogado nunha asemblea que o TSXG considera nula.

O Tribunal Superior de Xustiza de Galiza (TSXG) vén de condenar á empresa Suministros y Áreas de Servicio Ploc (Suarsesa) ao entender que vulnerou o dereito á garantía de indemnidade e á liberdade sindical dun traballador. A sentenza obriga á compañía a devolverlle a súa condición de delegado de persoal, cargo que lle foi revogado nunha asemblea que o TSXG considera nula.

A CIG de Ourense vén de denunciar perante a Inspección de Traballo a situación na que se atopan os traballadores e traballadoras do Obradoiro ABOBRIGA, promovido polo concello de Ribadavia. Unhas condicións que violan a normativa vixente e constitúen incumprimentos en materia de prevención de riscos laborais que poñen en perigo a súa integridade física.

Os actuais propietarios de Ataúdes Chao amosaron a súa disposición a abonar as dúas mensualidades e a paga extraordinaria que lle adebedan aos 15 traballadores e traballadoras, así como a facilitar a carta de despedimento o máis rápido posíbel. Así llo trasladaron aos representantes do persoal nunha xuntanza mantida o luns 13 de abril, na que tamén comunicaron o cese definitivo da actividade nesta empresa de Ribadavia.

As traballadoras e traballadores de “Ataúdes Chao Escudero”, en Ribadavia, continuarán esta semana diante das instalacións da fábrica de cadaleitos á espera da confirmación da noticia da venda da empresa, que segundo a actual dirección se vai producir na xornada de hoxe, 7 de abril. Segundo explicou o responsábel da CIG-Construción en Ourense, Xan Losada, as informacións que chegan sobre este punto son contradictorias, polo que o persoal “vai continuar presionando á dirección polo menos para cobrar as dúas mensualidades e a paga que se adebeda”.