Arredor de 150 traballadores e traballadoras dos Centros de Atención Continuada (PAC) participaron hoxe na concentración convocada pola CIG en Santiago de Compostela para denunciar os incumprimentos dos acordos de Atención Primaria por parte do Servizo Galego de Saúde (Sergas).

Con motivo da celebración o próximo mércores 8 de febreiro do segundo xuízo, a CIG-Saúde organizou un novo calendario de mobilizacións en demanda da readmisión dos traballadores/as despedidos en Asfedro. Así, este venres realizouse unha concentración ás portas da entidade, que se repetirá o vindeiro luns. Do mesmo xeito, dende a Federación destacan que o Xulgado do Social xa declarou a improcedencia dun dos despedimentos executados pola directiva, que definitivamente non se xustifican por motivos económicos.

Centos de traballadores e traballadoras dos Centros de Atención Continuada (PAC) participaron hoxe nas mobilizacións convocadas pola CIG para denunciar os incumprimentos dos acordos de Atención Primaria por parte do Sergas. No caso de Vigo, cerca de 50 persoas concentráronse no centro da rúa Bolivia por espazo de media hora e a continuación iniciaron un peche no interior das instalacións que teñen previsto manter até mañá.

Coincidindo co xuízo contra os traballadores despedidos na Asociación Ferrolá de Drogodependencias (Asfedro), a CIG Saúde realizou unha concentración ás portas do xulgado para amosar a solidariedade co persoal afectado/a e esixirlle á Dirección da entidade a readmisión destes profesionais, que nalgún caso contaban con máis de 20 anos de servizo.

A CIG foi á forza máis votada nas eleccións, celebradas o martes 10 de xaneiro, ao Comité de empresa do servizo de limpeza do Complexo Hospitalario Arquitecto Marcide-Profesor Novoa Santos (CHAMPNS) de Ferrol, do que se encarga a empresa Limpisa. A central nacionalista conseguir 41 votos (3 delegadas) fronte aos 37 acadados pola segunda forza, a COG.

A CIG-Saúde de Ferrol ten convocadas para esta semana tres concentracións para esixir a readmisión dos traballadores e traballadoras que o pasado mes de outubro foron despedidos pola Asociación Ferrolá de Drogodependencias (Asfedro). A directiva da asociación amparouse nos recortes orzamentarios para xustificar a súa decisión, que afectou a empregados/as con máis de 20 anos dedicados á prestación deste servizo. Porén, dende a CIG-Saúde entenden que os despedimentos tiveron outros motivos non relacionados con cuestións económicas.

A Plataforma “SOS Sanidade Pública”, que aglutina a todas as plataformas en defensa da Sanidade Pública constituídas nas diferentes áreas sanitarias, convocou na tarde deste mércores, coincidindo co debate dos orzamentos, unha concentración diante do Parlamento de Galiza. Mentres representantes das numerosas plataformas do país denunciaban que “O público é servizo, o privado beneficio” fronte o edificio do Hórreo, no interior, membros desta plataforma levantaban carteis en defensa do sistema público e contra as privatizacións. Entre os aplausos dos deputados e deputadas da oposición, a presidenta do Parlamento os expulsaba do pleno.