O mércores 13 de maio tiñan lugar asembleas nos estaleiros da ría de Vigo na que o tema principal a debate era o problema das irregularidades na contratación que se está a dar no naval, e que afecta principalmente ao colectivo de traballadores inmigrantes, que non están a cobrar correctamente nin teñen as condicións laborais que marca o convenio provincial do Metal de Pontevedra. Por iso, decidiuse cortar a actividade de dez a dúas e cortar o tránsito na avenida de Beiramar, asi como os traballadores de Vulcano decidiron mobilizarse e acudir até Metalships e Cíes, para trasladarlles aos seus compañeiros estas situacións.