O comité de empresa de Linorsa, a concesionaria da limpeza dos colexios públicos de Vigo, vén de comunicar que a Inspección de Traballo atendeu as denuncias da CIG e obrigará á empresa a facer indefinidas a 25 empregadas/os que foran contratadas de xeito eventual ou por obra. A autoridade laboral comprobou que este tipo de contratación temporal non estaba debidamente xustificada pero non lle imporá unha sanción porque a compañía xa anunciou a súa intención de corrixir a situación e contratalas como indefinidas fixas discontinuas.

O pasado venres, día 29 de abril, o Consello de Ministros aprobaba un Decreto Lei de Medidas para o afloramento e control do emprego somerxido. O plan do goberno concíbese como algo extraordinario e limitado no tempo, que abrangue un conxunto de medidas co obxectivo de que aflore o traballo non declarado, que vén sendo unha parte importante do que se coñece como economía somerxida. Non se entende ben a urxencia deste Plan en termos reais, si ben parece que o goberno quere ser o primeiro en  cumprir as recomendacións  da UE sobre este aspecto e poder presentarse no próximo Consello Europeo de Primavera cos deberes feitos para tranquilizar así ao “Sr Mercado”, que é quen vixía con lupa e dirixe o pulso político no estado español.

As 20 traballadoras despedidas da firma téxtil Kina Fernández mediante un ERE de extinción concentráronse este mediodía diante da tenda que a compañía posúe na céntrica rúa coruñesa da Rúa Real para esixir á empresaria o pagamento das débedas económicas que aínda mantén con elas. Ademais, coa protesta tamén querían dar a coñecer as múltiples irregularidades que a empresa está a acometer en materia de contratación no taller situado no Polígono de Agrela.

A CIG quere denunciar as múltiples irregularidades que a empresa do téxtil Kina Fernández está a cometer. A compañía, logo de executar un ERE de extinción para 20 traballadoras, está a contratar persoal eventual que, curiosamente, presta os seus servizos unha vez rematada a xornada laboral do persoal fixo da empresa. Este persoal eventual, contratado en fraude de lei, dedícase a pasar o ferro e a todas aquelas tarefas relacionadas coa preparación do desfile da firma para a Fashion Week, o vindeiro 23 de setembro.

O luns 25 de marzo ás 11.30 da mañá tivo lugar unha rolda de prensa da que participaron o secretario comarcal de Organización da CIG, Anxo Iglesias, a secretaria comarcal da CIG-Servizos, Tránsito Fernández, e os dous traballadores inmigrantes e denunciantes neste caso.

A Inspección de Traballo declarou en fraude de lei a contratación, na modalidade de interinidade en vacante, da xefa de Programas da Radio Galega, Gloria Ferreiro. Segundo a autoridade laboral, Ferreiro foi contratada para coordinar os programas e os locutores que presentan os mesmos e estas funcións non coinciden coas de locutora de radio sinaladas no contrato.

A CIG exixiu á Directora Xeral de Formación e Colocación da Xunta que retire de xeito inmediato a denuncia penal que ten presentada contra a traballadora que denunciou a súa situación laboral e á que a familia deste cargo público tiña ocupada sen contrato e sen dar de alta na Seguranza Social. A central critica a actitude do Presidente da Xunta diante deste ataque aos dereitos dos traballadores e traballadoras e reitera a petición de cese no seu cargo da Directora Xeral.