A Unión Local da CIG de Monterrei-A Limia amosou o seu rexeitamento ás declaracións realizadas nun medio de comunicación polo Delegado Territorial da Xunta en Ourense, nas que culpa ao persoal docente das eivas e malas xestión da Consellaría de Educación.

A CIG-Administración Pública vén de dar a coñecer a “actitude despótica e caciquil” do delegado territorial da Xunta de Galiza en Pontevedra, Xosé Manuel Cores Tourís, quen logo de ignorar a solicitude de reunión cos representantes dos/as empregados/as públicos, enviou a unha xuntanza a unha subordinada sen capacidade de decisión. Ademais, lamentan a inhibición do superdelegado á hora de loitar pola apertura da Escola Infantil de Campolongo.

Tras máis dun mes de ter solicitado unha entrevista “urxente” co Delegado Territorial da Xunta de Galiza en Ourense, co obxecto de tratar o asunto da paralización unilateral do 33% da actividade da Vidreira do Atlántico, sen autorización administrativa e sen negociación co Comité de Empresa; o máximo responsábel do goberno galego en Ourense “concedeu ao Comité de Empresa a entrevista requirida, para celebrarse o próximo día 15 de setembro, ás 9:00 horas da mañá na sede da Delegación Territorial.

A Xunta de Galiza vén de despedir a unha traballadora do servizo de limpeza da Consellaría de Presidencia en Ourense por ausentarse do seu traballo para levar a urxencias a súa filla enferma. Dende a CIG-Autonómica denunciaron uns feitos “inauditos” que vulneran os dereitos dos traballadores/as recollidos no Estatuto do empregado público, na Lei da Función Pública e no convenio colectivo de aplicación. Así mesmo, xa adiantaron que presentarán denuncia contra a Consellaría por despedimento improcedente.

Membros do Comité e representantes da CIG-Verín mantiveron na mañá do 10 de xuño unha reunión-mediación co “superdelegado” da Xunta en Ourense para tentar buscar unha saída ao conflito que se vive na Vidreira do Atlántico dende o ano pasado. Dende a CIG valoraron “positivamente” o encontro, aínda que matizaron que a mediación entra dentro das funcións do delegado da administración, ao tempo que subliñaron que a dirección da empresa continúa a incumprir a súa obriga de negociar.

O persoal de Galfrío volveu protagonizar unha nova acción na mañá do martes 9 de xuño en contra do expediente de regulación na planta de elaborados de Marín e para reclamar á administración a busca de socios que se fagan cargo da planta de elaborados, permitindo deste xeito o mantemento dos postos de traballo. Desta volta pecháronse novamente na delegación da Xunta en Pontevedra onde o se lles comunicou que a administración non atopa alternativas para evitar o peche da fábrica.

As/os traballadoras/es de Galfrío pecháronse na mañá do venres 5 de xuño na cuarta planta do edificio administrativo da Xunta en Vigo para reclamar a administración que promova unha reunión entre a empresa, o Comité e o IGAPE coa obxecto de buscar novos socios e evitar deste xeito o despedimento de 55 operarios da planta de elaborados de Marín.