A CIG-Servizos denunciou a situación na que se atopan os traballadores e as traballadoras de PQM, concesionaria dos servizos de hostalería do Arsenal Militar de Ferrol, aos que a empresa lles debe os salarios de marzo e abril. A situación vén repetir a imaxe dos últimos anos cando a anterior concesionaria, Los Lebreros, procedía sistematicamente ao impagamentos das nóminas.

A CIG-Servizos de Ferrol vén de denunciar publicamente que os nove traballadores de Los Lebreros destinados ao servizo de hostelaría do Arsenal Militar teñen quedado sen emprego e sen cobrar as tres últimas nóminas, logo de que rematese a contrata do Ministerio de Defensa coa empresa gaditana. Dende a CIG reclámase á administración que achegue unha solución, xa que era coñecedora das prácticas da compañía, así como da situación que padecían os traballadores/as.

Os traballadores e traballadoras da Los Lebreros S.L. decidiron desconvocar a folga que se viña desenvolvendo nos servizos do Arsenal Militar de Ferrol, logo de que a dirección da empresa se comprometese a abonar antes do 5 de xuño as mensualidades adebedadas dende abril e a garantir o pago dos salarios de maio. Dende a CIG-Servizos de Ferrol sinalaron que van vixiar o cumprimento do acordo, que cualificaron de “mal menor”.

Os traballadores e traballadoras de Los Lebreros continúan a folga convocada no Arsenal Militar de Ferrol para exixir o pago das mensualidades atrasadas. O persoal, que atende os servizos de cafetaría e limpeza do edificio militar, levan sen cobrar dende o mes de abril e denuncian que están a padecer unha “enorme precariedade laboral”. A folga convocada para os días 27, 28 e 29 de maio está sendo secundada de xeito maioritario e acompañada de concentracións de mañá e tarde diante do Arsenal.

Uns 50 traballadores e traballadoras da empresa de servizos de hostalería e limpeza Los Lebreros concentráronse diante das instalacións do Arsenal Militar de Ferrol para reclamar o pagamento da nómina de abril e contra a precariedade laboral que están a padecer. A empresa, subcontratada polo Ministerio de Defensa, atende os servizos de cafetería e limpeza do recinto militar e leva xa dous meses de atraso, aducindo problemas de liquidez.