O persoal da Cruz Vermella de Vigo entregou o venres 26 de febreiro mais de oito mil sinaturas na Dirección Provincial do Servizo Galego de Saúde en Vigo en protesta polo peche do centro asistencial. Estas sinaturas somadas ás mais de seis mil apresentadas anteriormente suman un total de case quince mil recollidas ata o momento.

Cortes de tránsito en Beiramar, concentracións e moito ruido para chamar á atención do que está a acontecer no hospital da Cruz Vermella de Vigo, iso é o que están a facer as traballadoras e traballadores deste hospital, asi como as centrais sindicais. O 8 de febreiro tivo lugar a primeira reunión sobre o ERE de extinción dos 70 contratos deste hospital e despois de tres horas de reunión non se chegou a ningún acordo, mentres se está a desmantelar pola via dos feitos este hospital co traslado dos pacientes a outros hospitais de fóra de Vigo, co transtorno para a súa saúde e os problemas que supón isto para as súas familias.

Cruz Vermella vén de anunciar un ERE extintivo para os 70 traballadores/as que na actualidade se ocupan do hospital que a organización ten en Vigo, o único destas características en toda Galiza. A decisión, que afectará tamén aos 70 pacientes, chega pola suposta insostibilidade económica do centro, a pesar do concerto que mantén co Sergas. O Comité xa advertiu que vai dar a batalla na defensa do emprego e pola continuidade do servizo e anunciou que presentará un plano de viabilidade.

A CIG reclamou á Xunta que poña en marcha os acordos pola saúde acadados en 2006, especialmente no referente á construción do novo hospital da área sanitaria de Vigo. Dende a CIG de Vigo e a Federación de Saúde desmentiron as afirmacións da Consellería de Sanidade, quen asegurou non dispor de cartos para levar adiante o proxecto, e criticouse que a administración pretenda facilitar a entrada de capital privado no SERGAS lanzando debates “estériles”. De igual xeito, advertiron que non descartan convocar mobilizacións sindicais e sociais se as obras non comezan ao longo deste ano.

O venres ás doce da noite rematará esta quinta xornada de folga no centro de saúde de Povisa. Foi unha semana chea de tensións, un conflito moi duro no que as traballadoras e traballadores puxeron valor e forza, tanto as centos de persoas que participaron dos piquetes asi como aquelas, que obrigadas a traballar en servizos mínimos, realmente cumpriron eses servizos mínimos mais que se negaron a traballar en departamentos e equipas que non eran as súas, e que colapsaron realmente este hospital.