A CIG-Valdeorras vén de denunciar a empresa ourensá Tendidos Eléctricos Merino ante a Inspección de Traballo por falta de ocupación efectiva dos seus 11 traballadores/as. A central nacionalista tamén presentou un escrito na Garda Civil para que investigue a venda supostamente fraudulenta de chatarra, cobre e maquinaria por se puidese supoñer un delito de alzamento de bens.

A federación de Químicas e Enerxía da CIG vén de denunciar ante a Inspección de Traballo que a empresa ourensá Componentes Aeronáuticos (Coasa) está a dar de alta a traballadoras que colleron unha baixa por lactancia ao desenvolver o seu labor en contacto con substancias perigosas. A compañía aeronáutica sostén que foi a mutua médica privada a que tomou a decisión tras supostamente ter comprobado que non existen riscos para a saúde das mulleres nin dos seus fillos/as, pero dende a central nacionalista lembran que o fixo sen seguir os protocolos que establece a normativa.

Dous anos despois do peche da empresa ourensá Vidreira do Atlántico por imposición da súa patronal, a Axencia Española de Protección de Datos (AEPD), vén de ditar unha resolución estimando a solicitude de Manoel Anxo García Torres (CIG) e 100 traballadores/as máis. En 2009 solicitáranlle á compañía o acceso e entrega das imaxes e sons gravados pola dirección durante as cinco convocatorias de folga desenvolvidas dende xaneiro a marzo dese ano ao entender que estaba a vulnerar o dereito fundamental como é o de folga.

A federación de Saúde da CIG de Compostela denuncia diante da opinión pública o deterioro na calidade e tempos de asistencia que se está a producir en urxencias tras a última reestruturación do servizo. Dende a central nacionalista critican a apertura da nova sala de observación sen que se tivese producido antes un incremento de persoal.

A pai dun dos mozos detidos na última operación da Audiencia Nacional española contra o independentismo galego relata nunha crónica que fixo chegar á CIG a crueldade coa que actúa o sistema penitenciario. Entre outras cousas, denuncia que non puideron visitalo na prisión na que se atopa recluído até 15 días despois do seu arresto.

O número de ourensáns/ás inscritos nas oficinas do INEM a 31 de decembro de 2011 foi de 28.217, o que supón un incremento de 1.737 persoas con respecto ao ano anterior. Dende a CIG denuncian o impacto que o desemprego está a ter especialmente entre a xente nova e critican a ausencia de medidas do anunciado plan Impulsa da Xunta para a provincia.

A Xunta de Galiza aprobou hoxe na Comisión de Persoal, co voto en contra da CIG e favorable de CCOO e CSIF, un decreto que trata de regular a contratación nos entes instrumentais e os procesos de integración. Para o sindicato nacionalista, este decreto supón outro engano do Goberno Feijóo, xa que lonxe de acabar ou regular os chamados 'chiringuitos', vai significar a súa consolidación ao permitir que as sociedades mercantís públicas e as fundacións poidan contratar persoal propio sen pasar por un proceso selectivo público.