O Comité de Traballo e Benestar da provincia da Coruña continúa esta semana co intenso calendario de mobilizacións en contra das pretensións da Consellaría de destruír 200 postos de traballo e afondar no proceso de peche e privatización dos servizos públicos. O martes, o persoal realizou concentracións diante das Escolas Infantís de Oza e Elviña e mañá, xoves, tocará a quenda aos centros do Ventorrillo (ás 09:30 horas) e das Mariñas (ás 11:00 horas).

Traballadores e traballadoras dos centros dependentes da Consellería de Traballo e Benestar e do Consorcio Galego de Igualdade e Benestar recibiron esta mañá cunha sonora pitada á titular do departamento autonómico, Beatriz Mato, á súa chegada ao Concello de Oleiros. A protesta enmárcase no calendario de mobilizacións que a central sindical vén realizando en defensa dos servizos públicos, dos empregos e dunhas condicións laborais dignas para o conxunto do persoal destes centros.

O Comité de Traballo e Benestar da Coruña desenvolveu este martes unha nova xornada de mobilizacións en defensa dos servizos sociais, das condicións laborais e contra as amortizacións de postos de traballo. Desta volta, as concentracións realizáronse en Ferrol, diante das Escolas Infantís Virxe de Chamorro e Catabois.

Traballadoras e traballadores dos centros públicos de Benestar percorreron o pasado venres Compostela, desde a Cidade da Cultura até o edificio administrativo da Xunta de Galiza, en San Caetano, nun longo traxecto polo centro da cidade, en defensa destes servizos. Con esta marcha, convocada polo  Comité Intercentros e os  catro comités provinciais de Traballo e Benestar, exixiron responsabilidades pola política de desmantelamento dos servizos públicos e a amortización de postos de traballo.

Os traballadores e traballadoras das residencias de maiores, centros de menores, escolas infantís e outros centros dependentes da Consellería de Traballo e Benestar na provincia da Coruña realizaron unha xornada de loita o luns en defensa dos seus empregos e uns servizos sociais públicos e de calidade.

O Presidente do Comité Intercentros da Xunta e os 4 presidentes dos Comités de Empresa provinciais da consellaría de Traballo e Benestar, compareceron este martes en rolda de prensa, para denunciar o deterioro do sistema de benestar en Galiza, a amortización de persoal e demandar do Presidente da Xunta o cese da conselleira, Beatriz Mato, por ser “a máxima responsable” desta situación. Xa anunciaron unha concentración en San Caetano, o vindeiro venres día 27 de abril, coincidindo coa entrega das sinaturas que se están recollendo, e outra, con marcha-protesta incluída, o 11 de maio, desde a Cidade da Cultura até o edificio administrativo da Xunta de Galiza.

Representantes da CIG e dos Comités de Empresa do Consorcio Galego de Igualdade e Benestar (Galescolas e centros de día) concentráronse na mañá deste venres, durante inauguración da escola infantil “A Braña” en Carballo, para denunciar a privatización destes centros e o progresivo deterioro das condicións laborais dos traballadores e traballadoras do Consorcio. Neste acto, a CIG entregou a Conselleira de Traballo e Benestar, Beatriz Mato, un escrito no que solicita unha entrevista para aclarar o futuro destes centros e abordar a situación laboral do persoal do Consorcio.