Ás 9:30 horas da mañá deste sábado 20 de xuño daba comezo o V Congreso da CIG, baixo o lema “O sindicato que avanza canda ti. Sindicalismo nacionalista e de clase”. A xornada abriu coa presentación do Informe de Xestión, que foi aprobado con 339 votos a favor, 71 en contra e 74 abstencións. Un documento no que alén de analizar o actual contexto político, laboral e social, en plena crise económica, fai un percorrido pola conflitividade laboral en Galiza e o papel da CIG durante este período. O Informe salienta ademais o incremento na representación sindical e o espectacular avance da afiliación, que medrou nestes últimos catro anos nun 40%.