A plataforma cidadá Queremos Galego, da que forma parte a CIG celebrou esta mañá, diante da institución do Valedor do Pobo, unha concentración para exixir o cesamento inmediato do Valedor do Pobo, Benigno López, e do conselleiro de Educación, Jesús Vázquez, pola censura do libro de texto escolar da materia de Coñecemento do Medio que sinala que o galego é a lingua propia de Galiza, reproducindo literalmente o artigo 5.1 do Estatuto de autonomía. O vindeiro sábado está convocada outra concentración, na Praza do Toural, en Compostela, ás cinco da tarde.

A plataforma cidadá Queremos Galego, integrada por máis de 700 entidades sociais de diferente tipoloxía, entre elas a CIG, convoca para esta quinta feira (xoves) 15 de decembro ás 11.30 da mañá unha concentración diante da sede do Valedor do Pobo, en Santiago de Compostela.

As declaracións que vén de facer públicas o Conselleiro de Educación, avalando a recomendación do Valedor do pobo contra o libro de texto de Coñecemento do Medio de 5º de Primaria, da Editorial Vicens-Vives, por recoller que a lingua propia de Galiza é o galego, vén a evidenciar, en palabras do Secretario Nacional da CIG-Ensino, Anxo Louzao, que “o  Conselleiro de Educación continúa instalado na obsesión permanente de exterminar o idioma como lingua vehicular no ensino. É inaceptábel, ademais de provocador, que o señor Conselleiro de Educación deteste e promova a eliminación dun texto escolar no cal o único que se fai é reproducir o artigo 5.1. do Estatuto de Autonomía de Galicia”.

A finais de 2008, o Comité de Expertos do Consello de Europa emitiu o seu informe sobre o nivel de aplicación da Carta europea das linguas rexionais ou minoritarias no Estado español. Desde o acceso á presidencia do Goberno galego de Alberto Núñez Feijóo, na primavera de 2009, non só non se escoitaron as recomendacións realizadas nese relatorio, senón que mesmo se produciron pasos atrás gravísimos á hora de dar cumprimento a este tratado internacional. Unha delagación de Queremos Galego e da Mesa mantiveron unha xuntanza en Madrid cos expertos para trasladarlles os principais incumprimentos en materia lingüística.

Unha delegación da Mesa e da Plataforma Cidadá Queremos Galego reunirase este mércores en Madrid cos representantes do Comité de Expertos do Consello de Europa encargado de avaliar o grao de aplicación da Carta Europea das Linguas Rexionais ou Minoritarias (CELRM), tratado internacional de obrigado cumprimento ratificado polo Estado español en 2001.

Queremos Galego, que onte convocou a milleiros de mulleres e homes en defensa da nosa lingua baixo o lema “Paremos os ataques contra o galego”, denuncia a “manipulación informativa” da que é vítima por parte da TVG. A plataforma unitaria, que agrupa a máis de 700 entidades do máis diferente tipo, encamiñará a súa queixa ao Valedor do Pobo e ao Consello de Administración da Compañía.

Os galegos e galegas saíron de novo ás rúas das cidades e vilas de Galiza para conmemorar o Día das Letras Galegas, neste 17 de maio, e participar na mobilización expansiva convocada pola plataforma cidadá Queremos Galego. Unha mobilización celebrada baixo o lema “Paremos os ataques o galego!” que se estendeu a cidades como Nova York, Belfast, Barcelona, Bos Aires, Oxford, Bruxelas ou Madrid.