Miles de persoas chegadas de toda Galiza percorreron este 17 de maio as rúas de Compostela, ao berro de “Queremos Galego”, para reclamar que “non queremos ser estranxeiras na nosa Patria”, denunciar os ataques que o noso idioma sofre a cotío –por parte do PP e da dereita máis reaccionaria- e demandar o seu uso social normalizado no día a día das galegas e galegos, garantíndose, cando menos, o cumprimento da legalidade vixente.

A plataforma Queremos Galego!, que aglutina a máis de 700 entidades e na que está integrada a CIG, fai un chamamento a participar na manifestación nacional convocada o vindeiro venres, día 17 de maio, con motivo do Día das Letras Galegas, baixo o lema, “Non queremos ser estranxeiras na nosa Patria. Queremos galego!”. A mobilización en defensa da nosa lingua nacional sairá ás 12:00 horas da Alameda compostelá.

Inverno, manifestación e Compostela. Tres elementos que adoitan unirse para garantir a chuvia que, como non podía ser menos, acompañou ás miles de persoas que tomaron este domingo a capital de Galiza para reclamar, alto e claro, que “Queremos Galego na escola”. Persoas chegadas en autobuses e coches particulares, de todo o país, para berrar ao unísono que “aínda que se molle, o galego non encolle”, exixir a derrogación do mal chamado “Decreto de Plurilingüismo” e denunciar as políticas “lingüicidas” do Partido Popular.

A CIG fai un chamamento a todas as galegas e galegos a participar na manifestación convocada pola Plataforma Cidadá ‘Queremos Galego’, baixo o lema Pola lingua que nos une. Queremos galego na escola, para o vindeiro domingo día 27 de xaneiro, con saída ás 12:00 horas da Alameda compostelá. A Plataforma recibiu o apoio dos máis de 700 colectivos e entidades sociais que a conforman, entre elas a central sindical, e de todas as organizacións con representación parlamentar, agás o PP.

O Concello de Santiago enviou este xoves unha nova comunicación á plataforma Queremos Galego na cal denega absolutamente a posibilidade da colocación dun palco para o acto final da manifestación unitaria que, so o lema “Pola lingua que nos une. Queremos galego na escola” sairá este domingo ás 12 h desde a Alameda da capital de Galiza. A plataforma, impulsada e coordinada pola Mesa pola Normalización Lingüística e conformada por máis de 700 entidades entre as que se atopa a CIG, decidiu acudir aos tribunais para defender “a liberdade a podermos realizar actos en defensa do noso idioma na capital do noso país”.

A plataforma cidadá Queremos Galego iniciaba esta mañá o calendario de mobilizacións previstas para exixir a derrogación do Decreto 79/2010 e a elaboración dunha nova norma que teña como punto de partida o Plan de Normalización Lingüística aprobado polo Parlamento no ano 2004. Antes da concentración, que tivo lugar ás portas da consellaría de Educación, o propio Apalpador adiantou a súa chegada para entregar en persoa, no rexistro da Xunta, uns sacos cheos de carbón, para lembrar a política “carbonizadora da nosa lingua e da nosa cultura, que non vai trunfar” e libros en galego para Núñez Feijoo e o conselleiro de Educación.

A plataforma Queremos Galego, que aglutina máis de 700 entidades, vén de anunciar un novo calendario de mobilizacións para esixir a derrogación do Decreto 79/2010 de Plurilingüísimo e a elaboración dunha nova norma que teña como punto de partida o consenso acadado para o Plan de Normalización Lingüística aprobado polo Parlamento no ano 2004.