O venres 4 de marzo realizouse diante da Galería de Sargadelos en Lugo unha concentración convocada polos oito despedidos/as na fábrica de Cerámica de Cervo. Coa concentración, que contou co apoio das delegadas da CIG no Comité de empresa, así como de membros das Executivas Local e Comarcal, quérese chamar a atención sobre a situación destes traballadores e traballadoras e reclamar da empresa “unha solución, que pasaría pola negociación e a readmisión”.

Traballadoras e traballadores da Fábrica de Cerámica de Sargadelos de Cervo, acompañados dunha representación da CIG de Lugo-A Mariña, desprazáronse este mércores a Lugo para rexistrar no edificio administrativo da Xunta de Galiza as máis de 5.000 sinaturas recollidas en demanda da readmisión dos oito compañeiros/as despedidos, tras a aprobación dun ERE no mes de setembro.

A CIG presentou o xoves 28 de outubro, no portelo único do Concello de Cervo, o recurso de alzada contra a resolución da Delegación de Lugo da Consellería de Traballo pola que se aprobou o ERE de extinción de 26 empregos na fábrica de Sargadelos. Coincidindo co rexistro do recurso, desenvolveuse unha concentración diante das portas do Concello en demanda da readmisión das e dos traballadores despedidos e a prol do comezo dunha nova negociación coa dirección de cara a procurar solucións de futuro para a histórica cerámica.

A CIG realizou o xoves 21 de outubro, ás 18:00 horas, unha concentración diante da Fábrica de Cerámica de Sargadelos para, aproveitando que se estaba a celebrar unha xunta de accionistas da empresa, facerlles entrega dun escrito no que se demanda a readmisión das compañeiros e compañeiros despedidos e á volta á negociación, a fin de buscar unha solución de futuro para a empresa.

Arredor dunhas 500 persoas participaron na tarde deste luns na manifestación convocada polo Comité de empresa en contra dos despedimentos na fábrica de Sargadelos en Cervo. A marcha, saíu dende a fábrica de cerámica sobre as 18:00 horas e logo de percorrer as rúas de Cervo, pasando polo Concello, rematou novamente diante das instalacións da empresa.

Traballadores e traballadoras da fábrica de Sargadelos en Cervo continuaron esta tarde o calendario de mobilizacións contra a autorización do expediente de regulación de emprego presentado pola empresa, que xa se ten concretado na entrega da carta de despedimento a oito empregados/as. O ERE, que afectará a un  total de 26 traballadores/as, foi aprobado a pesar de que a Delegación de Traballo de A Coruña rexeitou a regulación para a fábrica do grupo en Sada.

A CIG denuncia publicamente a situación irregular que se está a producir desde o Real Padroado de Sargadelos, quen leva sen abonar as nóminas e as cotas á Seguridade Social do persoal que traballa no Museo Histórico de Sargadelos, desde o mes de marzo do presente ano. Tamén critican que se produciron igualmente anomalías á hora de concedérllelas vacacións; e a negativa a contratar persoal de sustitución para este período, provocando deste xeito o peche do museo na época de maior afluencia de visitantes.