Un total de 4.468 accidentes con baixa en xornada laboral rexistráronse en Ourense durante o ano 2008, 13 máis que no mes ano anterior o que representa un incremento do 0,25 % sendo a única provincia galega na que aumentou a sinistralidade. Os recoñecidos como accidentes leves foron 4.388, 72 graves e 8 mortais, un máis que no ano 2007. A este alto número de accidentes laborais en xornada de traballo hai que engadir os accidentes in itinere, e dicir, os ocorridos ao ir ou regresar do traballo que aumentaron de 339 no ano 2007 a 353 no 2008 ( 4,13 % máis ). Especial gravidade ten o aumento de accidentes mortais que houbo 6 traballadores mortos (1 o ano anterior), 14 graves ( 12 no 2007 ) e 333 leves.

O representante da CIG no Comité Provincial de Seguridade e Saúde Laboral de Ourense, Anxo Pérez Carballo, fixo diversas propostas, na reunión trimestral do organismo, encamiñadas a erradicar os accidentes que ocasionalmente teñen sufrido escolares que son levados aos centros de ensino en autobús, máis concretamente aqueles que se producen cando o neno ou a nena sobe ou baixa do vehículo.