Na madrugada do xoves ao venres, logo dunha prolongada negociación e co precedente de Pontevedra, acadábase un preacordo para o convenio do comercio da alimentación na provincia de A Coruña entre a patronal, UGT e CCOO, que a CIG non asinou por tratarse dun convenio moi inferior ao de Pontevedra e que afonda nas desigualdades que existen entre os traballadores/as das dúas provincias.

Co AGA mediando, na madrugada do día 3 de decembro, nunha reunión maratoniana (de 4 da tarde a duas da mañá), como era de esperar, CCOO, UGT e Fetico, (USO mantívose desaparecida na mesa) asinaron o preacordo para "desbloquear" o conflito de comercio alimentacíon. A CIG expuxo en todo o momento a súa negativa a este preacordo, por varias cuestions, entre elas a vixencia e o incremento, mais serán as asembleas de traballadoras e traballadores do venres á noite ás que decidan.

A folga convocada para o vindeiro venres no comercio de alimentación das provincias de A Coruña e Pontevedra continúa quentando os motores. Na xornada deste martes delegados/as sindicais e traballadores/as seguiron coas mobilizacións, desta volta nos supermercados de Froiz e Gadis e nos almacéns de Lidl en Narón.

O luns 23 de novembro foi a primeira das xornadas de loita das traballadoras e traballadores do convenio do Comercio Alimentación nas provincias da Coruña e Pontevedra, con cocentracións na Coruña, en dous pontos de Ferrol, e cunha concentración provincial no concello de Poio, en Pontevedra. Deste xeito, comezaba a visibilizarse as demandas salariais e sociais deste sector, que o martes 24 teñen convocada máis concentracións diante de establecementos afectados pola negociación deste convenio, e que o 27 de novembro, o vindeiro venres, teñen convocada unha xornada de folga nestas dúas provincias, na súa loita por un convenio xusto.

A última xuntanza da negociación do convenio do Comercio de Alimentación da Coruña, o 6 de novembro, supuxo a ruptura definitiva entre a parte social e a patronal, do mesmo xeito que aconteceu en Pontevedra semanas atrás. Agora, o persoal de ámbalas dúas provincias está convocado a asembleas o 17 e 18 de novembro, nas que posibelmente se acorde a convocatoria de folga no sector.

As centrais sindicais convocan unha asemblea conxunta de traballadores/as do Comercio Alimentación para o xoves 17 de setembro ás 22 da noite no Salón de Actos Salesianos en Vigo. Nesta asemblea explicarán en que momento se encontra a negociación deste convenio colectivo provincial de Pontevedra que afecta a máis de 15.000 traballadores/as de perto de 1.000 empresas. Estudarase que tipo de mobilizacións levar adiante para superar a situación de paralise na que se encontra a negociación.