Os xulgados da Coruña acolleron o mércores o xuízo contra a multinacional ThyssenKrupp Elevadores por despedir a un traballador ao que tiña como falso autónomo, logo de este que denunciara á compañía para se recoñecera a súa relación laboral como asalariado.

A Unión Comarcal da CIG de Ferrol amosou o seu total rexeitamento ao despedimento dunha traballadora da Asociación Radio-Taxi, que exercía de telefonista dende hai 14 anos. Dende a central sindical denúnciase a actitude tamén a “actitude prepotente e caciquil da directiva da asociación”.

Delegados e delegadas da CIG realizaron unha concentración na mañá deste mércores ás portas dos Xulgados de Ferrol en rexeitamento ao acoso laboral que a empresa Prosegur está a realizar a un traballador, afiliado á central sindical. O acto de protesta tivo lugar coincidindo coa celebración do xuízo contra a empresa, que finalmente foi adiado, xa que o avogado da mesma “esqueceu as probas”.

A CIG-Ensino declara que os Equipos de Normalización están a desenvolver o seu traballo con absoluta responsabilidade, na procura do obxectivo que lles corresponde: a difusión e promoción da nosa lingua. A CIG rexeita, por tanto, as difamacións vertidas por un grupo de persoas que non representa a ninguén, pero que agora pretenden actuar como a “Inquisición” perseguindo as opinións e as actuacións dos coordinadores e coordinadoras dos Equipos de Normalización e mesmo do alumnado de diferentes centros e de toda persoa ou organización comprometida coa normalización lingüística.

Delegados e delegadas da CIG participaron esta mañá nunha concentración diante dos xulgados de A Coruña para denunciar a situación de persecución e acoso laboral que está a padecer un traballador da empresa Envoltorios Stock, dedicada ao comercio do papel e Artes Gráficas. A protesta coincide coa celebración do xuízo polas vacacións do traballador, que a empresa, situada no Polígono Espírito Santo en Cambre, impuxo de xeito unilateral e incumprindo a lexislación.

A sección de Transportes da FGAMT-CIG denunciaba na mañá deste martes un novo caso de persecución contra traballadores afiliados á esta central. Nesta ocasión trátase da empresa Ambulancias do Eume (Pontedeume), na que tres operarios se atopan de baixa psiquiátrica debido ao acoso ao que se vén sometidos por parte do empresario, contra o que a CIG presentará unha querela criminal por coaccións, lesións e atentado contra os dereitos dos traballadores. De igual xeito, vaise realizar unha demanda de tutela de liberdade sindical por ameazas, xa que o empresario coaccionou aos traballadores co obxecto de revogar ao único delegado de persoal (afiliado á CIG).

A CIG denunciou publicamente a situación que están a padecer os traballadores e traballadoras de Arriva Noroeste, especialmente no caso dos delegados e o persoal afiliado/a á central nacionalista, aos que a empresa de transportes somete a unha persecución constante. Diante desta situación a CIG xa ten presentado denuncias na Inspección de Traballo (quen xa actuou no centro de Ferrol) e nos vindeiros días vai presentar demanda de tutela de liberdade sindical diante do Tribunal Superior de Xustiza de Galiza, aínda que tampouco se descarta levar adiante unha querela criminal contra a responsábel de Recursos Humanos por coaccións e vulneración dos dereitos.