A CIG-Ensino da Coruña amosou o seu rexeitamento á sanción imposta pola Consellaría de Educación ao director do IES “Agra de Raíces” de Cee, por non aceptar o recorte de profesorado decretado pola Xunta e amosar a súa oposición ao deterioro da calidade do ensino público.

A Unión Local da CIG de Compostela quere denunciar publicamente a actitude represiva e obstaculizadora do libre exercicio dos dereitos sindicais que está a amosar a Concellería de Seguridade Viaria, que vén de multar á central con 200 euros por unha suposta infracción do vehículo de megafonía durante a manifestación do pasado 18 de novembro.

A Inspección de Traballo sancionou con 8.200 euros á compañía Urbaser Ferrol por realizar a recollida do lixo cun único operario/a na parte traseira dos camións. Dende a CIG-Servizos da cidade departamental -promotora xunto co comité de empresa das denuncias que motivaron a actuación da autoridade laboral- critican que a compañía concesionaria do servizo municipal de recollida de residuos sólidos urbanos xa anunciou que pagará a multa pero non fará nada para corrixir esta ilegalidade. A central nacionalista denunciara con anterioridade a pasividade da Inspección e do Concello de Ferrol diante irregularidades cometidas pola empresa.

A Comisión Nacional da Competencia (CNC) española sancionou con multas por máis dun millón de euros ás partes asinantes do IV Acordo estatal para a regulación das condicións laborais do sector da estiba portuaria, por prácticas restritivas do libre mercado. En concreto, o organismo presidido por Luis Berenguer sancionou a patronal Anesco cunha multa de 901.518 euros, o sindicato Coordinadora Estatal de los Trabajadores del Mar con 168.000 euros, a CIG con 3.900 euros e o sindicato basco LAB con 3.000 euros.