Arredor de 150 traballadores e traballadoras dos Centros de Atención Continuada (PAC) participaron hoxe na concentración convocada pola CIG en Santiago de Compostela para denunciar os incumprimentos dos acordos de Atención Primaria por parte do Servizo Galego de Saúde (Sergas).

O secretario xeral da CIG compareceu en rolda de prensa xunto ao responsábel de Comunicación e Propaganda para anunciar a convocatoria dunha xornada de folga xeral nacional para a última semana do mes de marzo. A decisión foi adoptada practicamente por aclamación -só houbo sete abstencións- durante a conferencia sindical que se celebrou en Santiago de Compostela este martes e na que participaron máis de 350 dirixentes da central nacionalista. A data definitiva será consensuada coas distintas organizacións sindicais que decidan sumarse á mobilización.

A federación de Saúde da CIG de Compostela amosou o seu rexeitamento ao proceso de mobilidade interna do persoal de atención primaria mediante comisións de servizo ao entender que permite cubrir as vacantes só en función da antigüidade sen que prevalezan criterios como a publicidade e o mérito. A central nacionalista considera que isto favorece o “amiguismo” e reclama que sexan a Comisión de Centro e o Servizo de Medicina Preventiva os que fixen os requisitos para a obtención dos postos e que non se faga “por potestade administrativa mediante comisións de servizo”.

Centos de delegados/as do naval das comarcas de Vigo e Ferrol percorrerán este martes día 4 as rúas Compostela na manifestación convocada pola CIG (Alameda, 11.00 horas) para reclamarlle aos Gobernos español e galego a adopción de medidas que permitan superar a grave crise que padece o sector en Galiza. A central nacionalista propón que Facenda e a Seguridade Social apracen o cobro das débedas contraidas pola industria auxiliar e aposta por buscar novos sistemas que faciliten o crédito.

A federación de Saúde da CIG de Santiago de Compostela alerta da saturación que se vive estes días no servizo de urxencias como consecuencia do peche de camas e da falta de persoal. A central nacionalista non descarta a posibilidade de adoptar outro tipo de medidas para denunciar o deterioro asistencial que está a sufrir a poboación desta área sanitaria e a precariedade laboral dos traballadores/as.

Esquivando o cansazo acumulado, as pendentes do camiño e as elevadas temperaturas que abrasan o País, as marchas polo emprego que dende o mércores percorren Galiza continuaban este venres a bo ritmo. Ademais, un grupo de desempregados e desempregadas de Pontevedra sumábase a marcha que o xoves partiu de Vigo. O Secretario Xeral da CIG, que se achegou até a cidade do Lérez para apoiar a iniciativa, asegurou que nestes momentos resulta fundamental chamar a atención da cidadanía e pedir a solidariedade cos traballadores e traballadoras afectados pola falta de traballo. Mentres os e as participantes das marchas de Ferrol e A Coruña xuntaban os seus pasos para continuar o camiño até Ordes, onde pasarán a noite.

A Marcha galega polo emprego da CIG segue a sumar efectivos na súa segunda xornada. Hoxe incorporáronse á mobilización cara a Compostela parados e paradas da Coruña e de Vigo. O grupo máis numeroso, integrado por máis de 100 persoas, partiu da cidade olívica pouco antes das nove da mañá acompañado polo secretario comarcal, Serafín Otero, que percorreu xunto a eles os primeiros quilómetros. A mobilización da Coruña, na que tamén participa o secretario comarcal, Paulo Carril, contou coa presenza do secretario xeral da CIG, Suso Seixo, quen sinalou que con estas marchas preténdese chamar a atención sobre o gran problema que golpea nestes momentos a Galiza: o desemprego.