Nova concentración do persoal no H. Meixoeiro o luns 22 de febreiro ás 11h. Con boa participación a pesar do mal tempo, o persoal puido co temporal. No percorrido as traballadoras e traballadores entraron na lavandería "para pasar pola secadora" e continuar ao remollo no exterior.

A CIG-Saúde reclama á Consellaría de Sanidade que paralice inmediatamente a medida que obriga a traballadores/as dos hospitais públicos a desenvolver a súa actividade en centros privados. Esta decisión tense adoptado primeiramente en Vigo, onde enfermeiras estatutarias do Meixoeiro deberán realizar a súa xornada ordinaria no hospital Nosa Señora de Fátima dous días á semana. Ante esta situación a CIG-Saúde non descarta convocar mobilizacións.

Profesionais de enfermería que realizan técnicas de perfusión nos quirófanos de cirurxía cardíaca do Hospital Meixoeiro son obrigadas/os a realizar parte da súa xornada laboral nun hospital privado. A CIG-Saúde vén de denunciar estes graves feitos xa que "se transfiren profesionais e cartos da sanidade pública á privada cando temos recursos ociosos na sanidade pública".

O Comité de Empresa da Limpeza do Hospital Meixoeiro de Vigo convoca unha folga con carácter indefinido a partir do luns 23 de febreiro ante o fracaso de todas as xestións realizadas para resolver o conflito coa empresa adxudicataria do servizo, Valoriza Facilities, polo incumprimento do convenio colectivo, no referido á equiparación salarial co grupo subalterno do Sergas.

Desde as doce da noite do 23 de abril deixaba de funcionar o servizo de limpeza do Hospital Meixoeiro, e vintecatro horas despois volve a súa actividade, xa que despois da xuntanza mantida na Delegación de Traballo a empresa aceitou a totalidade das demandas das traballadoras e traballadores.

Distintos incumprimentos nas condicións laborais da empresa adxudicataria deste servizo obrigan aos traballadores a convocar esta folga “na defensa dos nosos dereitos”, que comeza o 23 de abril ás 00 horas.