O día 27 de xaneiro, o Xulgado nº 3 de Pontevedra, ditaba sentenza sobre o despedimento do Bombeiro Pablo Álvarez. A sentenza declara o despido deste traballador como improcedente. O auto ben a confirmar, de xeito claro e contundente, a opinión da CIG sobre este atropelo laboral; un mais aos que, lamentabelmente, xa nos empeza a ter acostumados CELTAPRIX e que semella contar coa pasividade da Administración responsábel deste servizo. Pasividade que se transforma en complicidade pola vía dos feitos.

O Real Coro Toxos e Frores efectivizou o pago de parte da indemnización que lle corresponde á traballadora Angeles Teijeiro Leiras, que foi despedida de forma improcedente. Porén, desde a CIG de Ferrol, malia amosar a súa satisfacción por comezar a entidade a acatar a sentenza, denuncian que aínda faltan por pagar 7.000 euros.